→ كل الوصفات

طاجن الجمبري بالكريمة 🔥🦐🦐

وصفة مطعم لا مؤاخذة المشهورة علي طريقتي 😉👌

  • 400 جرام جمبري متقشر
  • 1/2 كوب كريمة لباني
  • كوب لبن
  • مكعبين زبدة صغيرين
  • رشة ملح وفلفل حسب الرغبة
  • 1 فلفل اخضر صغيرة متقطعه شرايح وسط
  • 2 معلقة دقيق وسط
  • جبنة موتزاريلا للوش
  1. في طاسة عالنار يتضاف مكعبين الزبدة لحد ما يسيحو ويسخنو
  2. ننزل بالجمبري نديله تشويحة من الجمبين لحد ما يستوي وياخد لون ونشيله في طبق
  3. الكريمة بقا في نفس الطاسة نضيف معلقتين دقيق ونقلبهم كويس
  4. ننزل عليهم باللبن ونقلب كويس بعدين بالكريمة اللباني وبالملح والفلفل حسب الرغبه ونقلب كويس لحد ما نوصل للقوام الوسط مش تقيل ولا خفيف
  5. في طاجن بيركس او فخار بنحط نص كمية الكريمة ونرص عليها الجمبري والفلفل الاخضر وبعدين طبقة من الكريمة ونرش الموتزاريلا وتكون بحرارة الغرفة علشان تسيح وتدينا مطة وشكل ولون تحفة
  6. ندخلها الفرن ويكون مسخن مسبقا و شغال الشواية ١٠ دقايق الجبنة تسيح وتاخد لون
  7. تخرج من الفرن جاهزة للتقديم مع توست محمص او عيش او رز صياديه او اي حاجة حسب رغبتكم وبألف هنااااا 😍♥️
عجبتك الوصفة؟
شوف كل وصفاتنا في مكان واحد
كل الوصفات →