→ كل الوصفات

طاجن الرز والخضار مع السمك المقلي

أكله كدا تحس نفسك قاعد علي البحر وانت بتاكلها من طعامتها ♡♡♡

  • 3 سمكات بوري متقطعه ومتنضف كويس وهنسيب قطعه واحدة ع جمب كدا متبلة هقولكم بعدين هنعمل بيها ايه سرررررر
  • (للتبيلة)
  • 1 ربطه كزبرة خضرة
  • 1 ربطه شبت مغسولين ومتقطعين صغير
  • 1 فلفل رومي
  • 1 فلفل حار
  • 2 فص ثوم
  • معلقة ص كزبرة ناشفة مطحونه
  • معلقة ص كمون مطحون
  • ملح حسب الرغبة
  • تاخدي شوية صغيرين من الخضار مع باقي المكونات في هون وتدقيهم كويس جدا وتحشي بيهم السمك وتبيليه وتشليه في التلاجه لحد مانعمل الوصفة التانية
  • (مكونات الطاجن)
  • باقي الخضار اللي فوق
  • بصلة كبيرة مبشورة
  • 3 طماطم كبار مبشورين
  • 3/4 كوب رز فاخر عشان يفضل محتفظ بقوامه
  • بهارات : كزبرة ناشفة وكمون وبابريكا وملح حسب رغبتك
  • كزبرة ناشفة
  • كمون
  • بابريكا
  • حسب رغبتك ملح
  1. تتبيل السمك
  2. بالسكينه كدا هنعمل فتحات جوة القطع ونحشي التبيلة فيها وهنرش علي الوش شوية عشان السمك كله يتطعم من التبيلة شوفوا الطعامه ونحطها في التلاجه لحد مانخلص الطاجن
  3. نيجي بقي للطاجن
  4. نحضر طاجننا الحلو بقي ونحط المكونات دي كلها مع رشة زيت عشان يفلفل الرز
  5. ونجيب قطعه السمك اللي شلناها علي جمب اللي واخدة من التبيلة اللي عملناها سوا ونحطها علي وش الطاجن زي التاج
  6. هنحط مية باردة يادوب يغطي وش الرز ونسيبها ع نار عالية تغلي والرز والسمكه تشرب من الخضار وبعدين نهددي عليها النار خاااالص لحد ماتستوي
  7. ولحد ما الطاجن يستوي هنتبل السمك بالدقيق وننزل بيه في الطاسة الحلوة واحنا بنتبل السمك ف الدقيق بس هنمسح السمكه من التبيلة عشان مش تنزل في الزيت وتتحرق ونغطيها كويس بالدقيق نبدء القلي لحد ماتاخد لون دهبي حلو
  8. وبعد ماالطاجن يستوي هنزله في الفرن ونشغل عليه الشواية ٥ دقايق ياخد وش دهبي حلو كدا ونقدمه بألف صحه وعافية مع السمك والليموون
عجبتك الوصفة؟
شوف كل وصفاتنا في مكان واحد
كل الوصفات →