→ كل الوصفات

طاجن الفريك بالكبد والقوانص

طريقة عمل طاجن الفريك بالكبد والقوانص سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو فريك
  • 1/2 كيلو كبد وقوانص مقطع صغير
  • 3 بصلة متوسطة مفرومة
  • 2 فص ثوم كبار
  • 2 فلفل حار
  • 1 معلقة صلصة طماطم
  • 2 معلقة سمن
  • 2 مرقة دجاج
  • فلفل اسود
  • ملح حسب الرغبة
  • ماء للتسوية
  1. بنغسل الكبد والقوانص كويس وننقعهم فى مياه بخل وملح وليمون لمده ربع ساعة
  2. بنشوح بصلتين فى السمن لحد ميدبل ونضيف القوانص عليه ونقلب كويس ونغطى عليهم لمده ١٠ دقايق
  3. وبعد كده نضيف عليهم الكبد والفلفل والثوم ونقلبهم وبعد تمام النضج نحط الفلفل الاسود والملح
  4. فى حلة تانى بنشوح البصلة لحد متدبل ونحط عليها الفريك و مرقة الدجاج ونقلبهم كويس ونضيف الكبد والقوانص عليه ومعجون الطماطم والمياه (انا بزود الميه شويه لانى مبنقعش الفريك) والملح ونسيبه لحد ميتشرب المياه ونوطى عليه لحد ميستوى وبعد كده بنحطه فى طاجن وندخله الفرن تحت الشواية ١٠ دقايق ونقدمه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →