→ كل الوصفات

طاجن المكرونة بالسجق والصوص الابيض الرهيب

طريقة عمل طاجن المكرونة بالسجق والصوص الابيض الرهيب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس مكرونة بين (أقلام)
  • 1/2 كيلو سجق بلدي
  • 1 حبة فلفل أحمر ألوان
  • 1 حبة فلفل أصفر ألوان
  • 1 بصلة كبيرة
  • 2 طماطم كبيرة
  • 2 فص توم
  • معلق صغيرة بابريكا
  • معلقة صغيرة زعتر
  • ملعقه صغيره ملح وفلفل أسمر
  • 2 معلقة دقيق
  • 2 كوب لبن
  • كمية جبنة موتزاريلا
  1. نقطع السجق مكعبات و يحمر بدون اي دهون في حلة على النار عشان ينزل دهونه وتكون النار عالية في الاول بعد كدة متوسطة لغاية مايستوي ولو احتاج نص كوب مياه في الاخر
  2. بعدها ننزل البصل و لما يبدأ يدبل ننزل التوم و الفلفل الألوان والطماطم
  3. ندوب معلقتين الدقيق في كوبايتين اللبن و ننزل بيهم فوق السجق و البصل والتوم والفلفل والطماطم و نهدي النار لغاية مايتقل القوام و نضيف التوابل الملح والفلفل و البابريكا و الزعتر
  4. مجرد مايتقل القوام ننزل المكرونة المسلوقة ونقلب كويس و نطفي النار و نجهز القالب او الطاجن بتاعنا ونحط فيه المكرونة والسجق
  5. على الوش نحط جبنة موتزاريلا و ندخلهم في فرن على درجة حرارة ٢٠٠ درجة في الرف الاوسط و نسيبهم يمسكوا مجرد ما الوش يبدأ يحمر نشغل الشواية وناكل أحلى طاجن سجق جوسي و لذيذ ❤️
عجبتك الوصفة؟
شوف كل وصفاتنا في مكان واحد
كل الوصفات →