→ كل الوصفات

طاجن المكرونه بالفراخ احلى وأضمن من برا جربوها

طريقة عمل طاجن المكرونه بالفراخ احلى وأضمن من برا جربوها سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس مكرونه اقلام 400جرام
  • ½ كيلو صدور فراخ
  • بصلتين متوسط مبشروين
  • ثوم مفروم
  • 2 كوب عصير طماطم
  • 2 ملعقه صلصه
  • ¼ ملعقه صغيره فلفل وكسبرة ناشفه
  • ملح
  • بهارات لحمه أو سبع بهارات مش كتير علشان متغيرش الطعم
  1. لو مش متاح بهار مش مشكلة هانكمل عادى الطريقة: نقطع صدور الفراخ مكعبات وفى شوية زيت نشوحه الفراخ نضيف شوية ملح وفلفل وبعدين نضيف البصل لما تقرب على السوا نرفعها من على النار. في حلة تانية نحمر التوم لحد مايبقى دهبة وريحته تظهر مع شوية كسبرة ناشفة
  2. نضيف عصير الطماطم والصلصه والملح والفلفل والبهارات تغلى غلويتين ونضيف عليها الفراخ والبصل ونسيبهم غلويتين ونطفي علشان محتاجين الميه اللى في عصير الطماطم لتسويه المكرونه
  3. نجيب الطاجن وندهنه زيت كويس ونجيب المقصوصه المخرومه ونشيل الفراخ من الصلصه ونحطها في الطاجن وبعدين نضيف المكرونه ونصب باقي الصلصه ونحط فصين توم مع نص كوب ماء على النار في الحله مكان الصلصه تغلى ونصبها على الطاجن وبس نغطيها وندخلها الفرن من ١٥الى ٢٥دقيقهمش أكتر من كدا علشان متعجنش وبعدين اطفي عليها الفرن وتهدى شويه واقلبيها وبألف هنا
عجبتك الوصفة؟
شوف كل وصفاتنا في مكان واحد
كل الوصفات →