→ كل الوصفات
طريقة عمل طاجن المكرونه بالكبدة البقري أحلى من طواجن محلات الكشرى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس مكرونة قلم مسلوقة حوالى 5 دقائق فقط
- ½ كيلو كبدة بقرى مقطعة شرائط رفيعة
- ثمرتين فلفل رومى بارد وحار
- بصلة متوسطة مبشورة
- ملعقة صغيرة ثوم مفروم
- ملعقتين كبار زيت
- ملعقة صغيرة ملح
- ½ ملعقة صغيرة من الفلفل الاسود
- ½ ملعقة صغيرة من الكزبرة الجافة
- ½ ملعقة صغيرة كمون
- 💥 صلصة الطماطم
- ½ لتر عصير طماطم
- ملعقة كبيرة معجون طماطم
- بصلة متوسطة مبشورة
- ملعقتين كبار زيت
- ملعقة صغيرة سكر
- ملعقة صغيرة ملح
- ½ ملعقة صغيرة من الكمون
- ½ ملعقة صغيرة فلفل اسود
- ½ ملعقة صغيرة كزبرة جافة
- ½ ملعقة صغيرة بهارت مشكلة
طريقة التحضير
- المكرونة ننزلها فى مية مغلية تغلى خمس دقائق فقط ثم تصفى المكرونة من المية ونغسلها بالماء البارد
- لتحضير صلصة الطماطم فى إناء على النار نضع فيه الزيت والبصلة المبشورة وفلفل اسود
- نقلب فى البصل حتى يصبح ذهبى اللون ثم نضيف معجون الطماطم ونقلب ثم نضيف عصير الطماطم وملعقة صغيرة سكر ونتركها تتسبك قليلا
- ثم نضيف باقى التوابل ونقلب صوص الطماطم يبقى سائل شوية ماتخليش الصوص يجف
- نجهز بقى الكبدة اولا معلومة الكبدة ما بنغسلهاش عشان ما تبقاش زفرة
- فى إناء على النار فيه قليل من الزيت نضيف الكبدة ونقلب على نار عالية حتى يتغير لونها
- ثم نضيف بصلة مبشورة وفلفل اسود ونقلب
- ثم نضيف الفلفل الرومى والفلفل الحار المقطعين مكعبات ونقلب
- ثم نضيف ملعقة التوم المفروم
- ثم نضيف باقى التوابل والملح ونقلب دقيقة ثم نطفى النار
- نبتدى بقى نجمع المكونات فى الطاجن
- نجهز طاجن مقاس 24 أو 26 وندهنه كويس بالزبدة أو الزيت ثم نضع أول طبقة الكبدة ونفردها كلها فى الطاجن
- ثم توزع على الكبدة ملعقتين كبار من صلصة الطماطم ثم نضيف المكرونة كلها
- ثم نضيف باقى صلصة الطماطم على وجه المكرونة اخر حاجة
- ثم نغطى الطاجن بورق قصدير كويس وتدخله فرن ساخن متوسط الحرارة حوالى نصف ساعة
- بعد نص ساعة نخرجه من الفرن ونتركه يهدأ عشر دقائق قبل التقديم
- وعند التقديم إن شاء الله نقلب الطاجن فى سرفيس التقديم ونزينه بالطريقة اللى تحبيها
- ما شاء الله كانت المكرونة مستوية وكل واحدة بواحدتها ماكنتش معجنة وكانت فى منتهى الطعامة
- يا رب وصفتى النهاردة تكون عجبتكم إن شاء الله
- تحياتى Batota Shawky ♥️♥️♥️♥️♥️♥️♥️♥️♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد