→ كل الوصفات
#ماستر_شيف #وصفات_بالمكرونه
المقادير
- كيس مكرونه قلم
- الصلصه:كيلو طماطم
- بصله كبيره
- 6 فصوص توم
- 1/2 معلقه صغيره فلفل اسود
- ملح حسب الرغبه
- معلقه صغيره بابريكا
- معلقه كبيره سمن
- اللحمه:نص كيلو لحم مفروم
- 1/2 معلقه صغيره فلفل اسود
- 1/2 معلقه صغيره حبهان
- 1/2 معلقه صغيره بابريكا
- بصله وسط
- طماطمايه وسط
- معلقه كبيره سمن
- الدقه:3 لمونات
- 3 فصوص توم
- ملح
- رشه كمون
- 1/4 كوب ميه
طريقة التحضير
- عالنار هنضيف حله فيها ميه سخنه تغلى هننزل فيها بمعلقه ملح وننزل بالمكرونه تتسلق نص سلقه هنصفيها ونبردها ونسيبها تتصفي خالص
- فالكبه هنضيف البصل والطماطم والتوم نفرمهم مع بعض حلو جدا وممكن نضربهم فالخلاط عادي وبعدين هننزل بالتوابل عليهم ونسخن طاسه عالنار ونضيف فيها معلقه سمن تسخن جدا
- هننزل بالطماطم فيها ونستني تنزل ميتها وتتسبك تلت تربع تسويه هنظبط الملح ونزوده شويه عشان المكرونه هتكمل تسويه فيها
- وطاسه تاني عالنار هنعصج المفروم هنقطع البصله والطماطم ونحضر التوابل هنسخن الطاسه وننزل بمعلقه السمن ونشوح فيها البصله وتذبل وبعدين الطماطم تدبل ونقلبهم مع بعض
- هننزل باللحمه عليهم ونقلبهم مع بعض لما تتشوح مع البصله والطماطم هنسيبها تكمل التسويه والآخر هنضيف التوابل والملح ونقلبها حلو جدا ونسيبها لما تتشرب الميه بتاعتها خالص
- هنحضر صينيه للفرن وندهنها سمنه بسيط وننزل باللحمه فيها وبعدين هنقلب المكرونه مع الصلصه كويس جدا
- ونرصها فوق اللحمه ونغطيها وندخلها الفرن حوالي ١٥ دقيقه وتطلع نستني عليها عشر دقايق ونقلبها وتتقدم سخنه وبالهنا ✋💪
- الدقه هنهرس التوم مع عصير الليمون والملح والكمون والميه ويتقدم معاها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد