→ كل الوصفات
الاكله دي انا كلتها في جاد وعجبتني جدا وجربتها كذا مره لحد ما ظبطت وبقت تجنن 😍 المكونات دي لطاجن وسط زي الى في الصوره كدا
المقادير
- 0.5 كيس مكرونه سباجيتي
- كيس بشاميل جاهز
- لتر لبن
- 0.25 كيلو فراخ بانيه
- 2 ثمره فلفل اخضر مقطعه جوليانات
- ملح حسب الرغبة
- فلفل
- بابريكا
- جبنه موزاريلا كتيييير
طريقة التحضير
- مبدئيا انا حبتها بالبشاميل الجاهز اكتر من البيتي
- هنسلق المكرونه نص سلقه منخليهاش تستوي اوي
- نغسلها كويس اوي من النشا
- هعمل البشاميل : هضيف لتر اللبن على البشاميل الجاهز واسيبه لحد مايتقل معايا واضيف له الملح والفلفل والبابريكا
- هسلق الفراخ واحط معاها شويه كاري وهي بتتسلق وطبعا هحط لها ملح
- في حله سليق المكرونه هحط المكرونه والفلفل والفراخ ورشتين تلاته موزاريلا واقلبهم كويس وانزل عليهم بالبشاميل ماعدا كبشه واحده واقلبهم كويس واحطهم في الطاجن
- هحط كبشه البشاميل الباقيه على الطاجن وارش موزاريلا كتيير على الوش
- ادخلها فرن وسط نص ساعه واشغل الشوايه عشان تاخد وش
- وكدا تبقى جاهزه بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد