→ كل الوصفات
#حلويات_الشتاء 🥶 سهله وسريعه وتدفي في الشتا وطعم ولا اروع 😍
المقادير
- ميل فاي
- كيلو لبن بلدي
- 1/2 كوب معياري سكر
- ظرف فانيليا بودر
- 3 معالق كبيره جوز هند
- 1/4 كوب بندق مقسوم اتنين
- معلقه زبيب (حسب الرغبه)
- للوجه
- قشطه بلدي
- رشة سكر بودر
- للتزين
- بندق او اي نوع مكسرات
طريقة التحضير
- اول حاجه بجيب الطاجن ونضع الميل فاي مكسر لحد نص القالب (نكسر الميل فاي وسط مش صغير ولا كبير)
- ثم ننزل (بالبندق + جوز الهند + الزبيب) ونقلبهم كلهم سوا مع الملي فيه
- في حله علي النار نضع اللبن يغلي + وندوب فيه السكر + رشة الفانيليا
- ثم نصب جزء من اللبن في الطاجن ونترك شويه صغيره ونستني دقيقه ونضغط بالمعلقه علي الخليط هنلقيه شرب اللبن - ثم ننزل بباقي اللبن كله (في الخطوه لو حبه ام علي اللبن قليل نكتفي باللبن اللي حطينه الاول ومنزودش باقي الكيلو بس احنا بنحبها جوسي واللبن كده)
- نجي بقي للوش بنجيب القشطه ونضربها بالشوكه تفك وتبقي كريمي (ممكن نضع شويه لبن هنا علشان تبقي كريمي وسهله الفرد)
- ثم نضع القشطه علي وش الطاجن ونوزعه علي الوش كله ونحط حبة قشطه حلوين كده علشان يبقي الطعم غني - ونرش علي الوش سكر بودر (علشان الوش يحمر ويبقي جميل)
- وفي هذه الاثناء نكون مشغلين الفرن علي ٢٠٠ درجه ونطفيه قبل ما نحط الطاجن (يدوب بنحمي الفرن علشان كل حاجه اصلا مستويه)
- نحط الطاجن في صينينه علشان ببقي سهل نخرجه وندخل الطاجن ونشغل الشوايه تاخد وش
- واول ما تطلع نحط المكسرات اللي نحبها وبالف هنا (طريقة الفنادق ولا اروع لشيف مياده فانيلا ومستكه)
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد