→ كل الوصفات

طاجن بامية بالعكاوى

الذ طاجن واجمل من المطاعم بمراحل

  • عكاوى مسلوقة
  • 0.5 كيلوا بامية
  • 4 بصلات متوسطة شرائح
  • راس توم
  • فلفل رومى أخضر واحمر ونصف فلفلة حامية
  • 2 كوب عصير طماطم
  • عصير ليمونتين مع شرائح ليمون
  • 0.5 حزمة كسبرة خضرا
  • 2 كوب مرقة
  • شرائح طماطم وفلفل رومى
  • ملح
  • فلفل
  • كمون
  • كسبرة ناشفة
  • زبدة
  • زيت ذرة
  1. نكرمل البصل.. نحمر البصل بداية بدون دهون حتى يصبح اصفر ثم نضيف الزبدة والزيت ونقلبه جيدا مع إضافة شوية ملح وفلفل وكمون مع إضافة ملعقة كبيرة توم مفروم وكسبرة جافة ويقلب جيدا حتى يصبح البصل دهبى وننزل بكوب مرقة ونقلبه ثم نغطيه حتى يتشرب ثلثي المرقة ونبعدها عن النار
  2. نجهز عصير الطماطم.. نضرب الطماطم مع 3 فصوص توم وقطعة فلفل أخضر واحمر وحامى وملح وفلفل وكسبرة جافة فى الخلاط
  3. نضرب 5 فصوص ثوم مع نصف حزمة الكسبرة وقطعة فلفل رومى أخضر وملح وفلفل ثم نشوحها فى الزبدة
  4. نحضر الطاجن ونضع فيه ملعقتين كبار من البصل المكرمل ثم نرص نصف العكاوى وعليها ملعقتين بصل وجزء من التوم والكسبرة الخضرا وننزل بالبامية وعليها جزء من البصل والتوم بالكسبرة الخضرا ثم باقى العكاوى وعليها باقى البصل والتوم والكسبرة الخضرا وقليل من الملح ثم نضع عصير الليمون وعصير الطماطم وكوب المرقة حسب الرغبة فى وجود صوص
  5. نرص شرائح الليمون والفلفل والطماطم ثم نغطي الطاجن ونضعه فى الفرن على 200 درجة حتى تستوى البامية وتقدم مع رز بالشعرية أو عيش بلدى وخيار مخلل وادعولى
عجبتك الوصفة؟
شوف كل وصفاتنا في مكان واحد
كل الوصفات →