→ كل الوصفات
#طاجن بامية باللحمة المكعبات حاجة كدة روعة بجد 👌😍🤗💓 #نكهة_عربية
المقادير
- 1/2 كيلو لحمة مقطعة مكعبات
- 1/2 كيلو بامية
- 1 بصلة كبيرة مبشورة
- 4 فصوص من الثوم المهروس
- 2 كوب عصير طماطم
- 1/2 ملعقة صغيرة فلفل اسود
- 1/2 ملعقة صغيرة ملح
- 1/2 ملعقة صغيرة سكر
- 1/2 ملعقة بابريكا
- 1 مكعب مرقة دجاج
- 3 ملاعق زيت
- 1 ملعقة سمنة
- 1 عصير ليمونة
- 1 ملعقة كبيرة صلصة
طريقة التحضير
- أولاً نسلق اللحمة في ماء مغلي مسبقاً ونضع في الماء ورق لوري و٣ فصوص من الحبهان و٢جزرة وبصلة كبيرة مقطعة أربعة ونسيب اللحمة تتسلق خالص ونهدي النار عليها وهي بتتسلق وبعد لما تتسلق نضيف ليها الملح حسب ذوقك والفلفل الأسود ☺️
- لتحضير البامية: أولاً نحضر حلة ونضعها على النار ونضع فيها الزيت والسمنة والبصلة المبشورة والثوم ونحمرهم شوية لحد لما يكون لونهم ذهبي وبعد كدة نضيف البامية ونقلبهم مع بعض وبعدين نضيف عصير الطماطم وملعقة الصلصة ونضيف ١كوب من شوربة اللحمة ونضيف الملح والفلفل والبابريكا والسكر ونضع مكعب المرقة ونقلبهم مع بعض كويس وبعدين نهدي النار ونسيب البامية لحد لما تتسبك☺️
- بعد لما تتسبك البامية بنجيب طاجن ونضع فية البامية ومكعبات اللحمة ونرش عليهم من فوق حبة ملح وفلفل وبهارات وندخل الطاجن الفرن 10دقائق وبعد كدة نشغل الشواية ٥ دقائق لحد لما وجه البامية يتحمر شوية هو واللحمة وبعدين نخرجها من الفرن بعد كدة ونعصر عليها الليمون ☺️
- قدمي بئا البامية ومعاها رز بالشعيرية بتكون روعة جربيها هتعجبك جداً وبالهنا والعافية يارب 🤗😍💓🌹💗
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد