→ كل الوصفات

طاجن بامية باللحمة بأسهل طريقة 😋❤️

البامية من الخضروات اللذيذة جداً ولما بنعملها في طاجن مع اللحمة بتكون تحفة اعمليها وقدميها مع رز بالشعيرية وسلطة خضراء او مخلل وشوفي الجمال 🤩😋 #المريول_الذهبي

  • 1/2 كيلو من البامية مقطعة وجاهزة
  • 1 بصلة كبيرة مبشورة
  • 1 ملعقة صغيره ثوم مفروم
  • 2 كوب عصير طماطم
  • 1 ملعقة كبيرة صلصة طماطم
  • 1 كوب شوربة لحمة
  • 1 ملعقة صغيره ملح
  • 1 ملعقة صغيره فلفل أسود
  • 1 ملعقة صغيره بابريكا
  • 1/2 ملعقة صغيرة سكر
  • كمية من اللحمة المسلوقة
  • 1 عصير ليمون
  • 3 ملاعق كبيرة زيت
  • 1 ملعقة سمنة
  1. أولاً جيبي حاجة مناسبة وحوطي فيها الزيت والسمنة وبعد كدة حوطي البصلة المبشورة والثوم وقلبيهم مع بعض كويس😍
  2. ضيفي بعد كدة الباميه وقلبيها مع البصل والثوم وبعد كدة حوطي عصير الطماطم والشوربة والصلصة وحوطي كل التوابل حوطي الملح والسكر والفلفل الأسود والبابريكا وقلبيهم مع بعض وسيبي البامية تتسبك حبة على نار هادئة وبعد كدة اعصري عليها عصير الليمون 😍
  3. جيبى طاجن وحوطي فية البامية وقطع اللحمة المسلوقة وبعد كدة دخلي الطاجن الفرن لمدة ربع ساعة ولو عايزة الوش يتحمر ممكن تشغلي الشواية عليها في الآخر ولو بتحبي الأكل سبايسي ممكن تضيفي مع البامية فلفل حار🌶️ بتكون حلوة جداً 😍
  4. بعد لما تخرجي الطاجن من الفرن رشى على الوش بهارات لحمة بتدي ريحة حلوة جداً للطاجن وبعد كدة قدمية مع رز بالشعيرية وسلطة خضراء او مخلل وشوفي الجمال واللذاذة بجد وجبة غدا حلوة اوي جربيها أكيد هتعجبك 😘❤️🌹
عجبتك الوصفة؟
شوف كل وصفاتنا في مكان واحد
كل الوصفات →