→ كل الوصفات

طاجن بامية باللحمه حكااااية ❤️❤️💃

طريقة عمل طاجن بامية باللحمه حكااااية ❤️❤️💃 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لحمة ويا سلام لو ضاني
  • طماطم ومعلقة صلصة جاهزة
  • 1 فلفل حراق (حامي - شطة)
  • بامية متقمعه طبعا 😄
  • بصل وتوم والتوابل هنقولها تحت
  1. أنا مرضيتش اكتب كميات لأن كل واحد هيعمل علي حسب أسرته
  2. أنا بحب ادي اللحمه نص سلقة الاول كأني بسلق عادي بصل و ورق لورا وحبهان ومعلقة زيت هنشوحهم (ممكن تضيفي جزر وطماطم بيدوا نكهة حلوة للشوربة)🥕🍅 و لما الحلة تسخن هنزل اللحمه تتشوح معاهم تاخد لون وبعدين ننزل ب ماية مغلية وحطي عليها ملح حسب الرغبة - فلفل اسود السبع بهارات أو بهارات لحمة رشة جنزبيل (زنجبيل)
  3. بعد كده ياست الكل هنضرب الطماطم في الخلاط ونصفيها من القشر والبذر 🍅 شوحي بصلة في حلة تصفر بس وهتشوحي معاها الفلفل الحار 🌶️🤯🥵 وننزل عليها بالطماطم - ومعلقة صلصة واحده - تدي لون بس - ونص معلقة سكر وسيبيهم يتسبكوا كويس ومتنسيش تحوطي ملح حسب الرغبة فلفل اسود بهارات مرقة دجاج حسب الرغبة وحسب الكمية اللي هتعمليها
  4. قمعتي البامية براڤوا عليكي👏 حوطي ع النار حلة فيها مية ولما تغلي هتعصري نص ليمونه في الماية 🍋 نزلي عليهم البامية دقيقه تغلي و شيليها من المئة المغلية واشطفيها بماء من الحنفية🚿
  5. الطاجن الفخار بتاعك حوطي فيه الطماطم اللي اتسبكت اللحمه شوربة و البامية طبعا غطيه بورق فويل ودخليه فرن سخن وسيبيه علي حسب الكمية هياخد وقت بس ممكن تبوصي عليه بعد نص ساعه لو محتاج شوربة زوديه واختبري التسوية
  6. بعد ما يستوي هاتي طاسه صغننه معلقة سمنه فص توم كوزبرة ناشفة حمريهم لحد مالون التوم يبقا دهبي وانزلي بيه ع الطاجن وقلبي
  7. بعدين دخليه ع الفرن تاني بس المرادي افتحي الشواية عشان الوش يتحمر وياخد لون حلو زيك وبالهنا والشفا ❤️❤️
عجبتك الوصفة؟
شوف كل وصفاتنا في مكان واحد
كل الوصفات →