→ كل الوصفات
#طاجن_باميه_باللحمه_ع_طريقتى😊❤
المقادير
- 1/2 كيلو باميه صغيرة متنضفه ومغسوله
- 1/2 كيلو لحمة قطع
- سمنه
- فحمايه
- 2 حبه بصل كبيرة متقطعه
- عصير طماطم
- 0.5 ملعقه بهارات مشكله
- نصف. م فلفل اسود
- نصف. م كمون
- نصف. م كزبرة ناشفه
- ملح حسب الرغبه
- 3 فصوص حبهان
- عود قرفة خشب
- ليمونه مجففه
- ملعقة صغيرة توابل لحمة
- بصله صغيرة
- ورق لورا
طريقة التحضير
- لعمل شوربه اللحمة نأخذ ملعقة سمنه نشوح فيها البصله الصغيرة سليمه ومعاها توابل الشوربه وبعد كدا ننزل باللحمه نشوحها شويه مع السمنه والتوابل وكل دا من غير ملح عشان بيعجز سوى اللحمة وبعد كدا ننزل بالماء المغلي ونسب اللحمة تتسلق
- لعمله صلصة الباميه نشوح البصل مع السمنه لحد مايصفر خفيف وننزل بعصير الطماطم وبعد كدا ننزل بالتوابل المذكورة ونسبها تتسبك
- ننزل بالباميه على الصلصة ونشوحها شويه ولما تنشف نزودها كل شويه بالشوربه
- ممكن نحط هنا قرن فلفل حار حسب الرغبه مع الباميه
- ننزل بقى باللحمه على الباميه تأخذ تقليبه 5 دقائق، مننساش كل شويه نحط شوربه عشان متلزق منك في الحله
- بعد كدا ننزل بالباميه في طاجن سخن يكون متسخن جوة الفرن
- ندخل الطاجن الفرن على حرارة عاليه لمده ربع ساعة هو كدا كدا مستوى على النار من فوق بس احنا عايزين ياخذ طعم الطاجن الفخار
- نكون مجهزين فحمايه والعه نحطها في ورق ألومنيوم ونحط عليها ملعقة سمنه جوة الطاجن ونغطيها عشان ياخذ ريحتها. بالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد