→ كل الوصفات

طاجن جمبري مافيش احلى من كده 😋⁦❤️⁩

طريقة عمل طاجن جمبري مافيش احلى من كده 😋⁦❤️⁩ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو جمبري جامبو
  • ملح وفلفل أسود حسب الرغبة
  • ملعقة صغيرة بهارات سمك
  • ملعقة صغيرة كمون
  • شطه سوداني حسب الرغبه
  • كوبين عصير طماطم
  • قرنين فلفل اخضر
  • بصله متقطعه جوانح
  • 5 فصوص ثوم مفروم
  1. اول حاجه هنجيب الجمبري نغسله كويس جداً ونشيل الشنابات بتاعته وننقعه في شويه ماء وملح وليمون
  2. بعدين في خلال الوقت ده هنعمل عصير الطماطم في الخلاط ونقطع الفلفل الأخضر شرايح والبصله جوانح ونفرم الثوم
  3. بعدين نجيب صينيه على النار نحط فيها معلقتين زيت وننزل بالبصل والفلفل الاخضر يتشوحوا كويس وبعدين ننزل بالثوم المفروم وبعدين ننزل بعصير الطماطم لو الطماطم فاتحه ممكن نزود ملعقة صلصة لو الطماطم غامقه يبقى تمام نضيف الملح والبهارات الحلوه بتاعتنا⁦❤️⁩
  4. بعد كده ننزل بالجمبري ياخذ غلوتين على النار من فوق لحد ما لونه يتغير وبعدين نجيب طاجن أو صينيه بايركس عادي جداً وندخلهم فرن على درجه حراره 200 ونغطيهم بورق فويل لمده ربع ساعة وبعدين نشيل الورق الفويل ونشغل الشوايه علشان تأخذ وجه جميل ونطلعها من الفرن
  5. تتاكل مع عيش وتتغمس بالصوص الأحمر الجميل اللي بيبقي في الطاجن وبالف هنا 😋⁦❤️⁩⁦❤️⁩⁦❤️⁩😍
عجبتك الوصفة؟
شوف كل وصفاتنا في مكان واحد
كل الوصفات →