→ كل الوصفات
طريقة عمل طاجن جمبري وسبيط بالوايت صوص 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو جمبري
- كيلو سبيط
- 3 كوب لبن
- 1/2 معلقه صغيرة فلفل اسود
- معلقه كبيرة ملح
- معلقه كبيرة كزبرة جافة
- معلقتين كبار خل
- بصله كبيرة
- ثمرة فلفل رومي
- 250 جرام موتزاريلا
- معلقه كبيرة سمن
- 4 فص توم كبار
طريقة التحضير
- طاسه غويطه تسخن اوي على النار هننزل بالسمن تسخن اوي ننزل عليها بالبصل والفلفل الرومي والتوم مقطعين صغير ونقلبهم مع بعض حلو اوي ننزل بالكزبرة نحمصها معاهم
- هنصفي الجمبري والسبيط كويس اوي بعد غسلهم وننزل بيهم على البصل والفلفل فالطاسه ونقلبهم على نار عالي هنضيف الخل ونقلبهم حلو اوي ونخليهم ٧ دقايق على النار لما ينزلوا ميتهم ويبدئوا يستوا نص تسويه
- هنصفي الجمبري والسبيط من الميه بتاعتهم بس هنخليها زي ماهي فالطاسه وهنجيب طاجن الفرن ونوزع في الجمبري والسبيط
- هنروح بقى للطاسه وهي فيها الميه بتاعت الجمبري وننزل باللبن وملعقتين الدقيق والملح والفلفل ونقلبهم عالنار عالي حلو اوي لما يتقل ويبقى صوص قوام متوسط مش تخين ومش سايل
- هنوزعه على الجمبري والسبيط فالطاجن ونوزع البقدونس على الصوص ونوزع الموتزاريلا وندخله الفرن على ٢٢٠ ونخليه يكمل تسويه والوش يحمر زي الصور كدا ويتقدم سخن وبالهنا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد