→ كل الوصفات

طاجن خضار مشكل بالفراخ للدايت

طريقة عمل طاجن خضار مشكل بالفراخ للدايت سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 بطاطس
  • 2 كوسة
  • 1/4 بانيه
  • 2 جزر
  • 2 طماطم
  • 2 فلفل
  • 1/2 معلقة ثوم بودرة
  • 1 بصلة
  • 1 ليمونة
  • 1/2 كبايه مياه
  • معلقة زيت زيتون
  1. قطعت البانيه لقطع مكعبة وحطيته في شوية مياه وخل 5 دقائق بالظبط وصفيت المياه
  2. قطعت البصلة مكعبات وشرايح وحطيته معرالبانيه في طبق صغير وحطيت فيه ملعقة زيت زيتون ونص ملعقة ثوم البودرة وغطيته لحد لما قطعت كل الخضار لمكعبات
  3. جبت طبق كبير شويه وخلطت كل المكونات مع بعض وبدأت احطهم في الفخار بس خليت الفراخ من تحت
  4. جبت 1/2 كباية المياه في طبق وعصرت عليها ليمونه وحطيت الملح والتوابل وواحده مرقة دجاج
  5. دخلتهم الفرن من تحت خالص وقعد حوالي 20 دقيقة كان استوى وبعدها طلعت الطاجن وقلبته بحيث الفراخ تكون على الوجه شويه وشغلت الشوايه لمده 10 دقائق بالظبط علشان تأخذ الشكل النهائي ده
عجبتك الوصفة؟
شوف كل وصفاتنا في مكان واحد
كل الوصفات →