→ كل الوصفات
الله على جمال الطاجن ده بجد روعه🤩 بتعملية بجانب اللحوم 🥩أو الدجاج 🍗 ومعاه رز بالشعرية بتكون وجبة غداء حلوة أوي جربيها وأكيد هتعجبك جداً 👌😍
المقادير
- 1/4 كيلو كوسة مقطعة مكعبات
- 1/4 كيلو بطاطس مقطعة مكعبات
- 1/4 كيلو بسلة
- 1/4 كيلو جزر مقطع مكعبات
- 2 كوب عصير طماطم
- 1 ملعقة كبيرة صلصة
- 1 بصلة كبيرة مبشورة
- 1/2 ملعقة صغيرة ثوم مفروم
- 1 ملعقة صغيره ملح
- 1 ملعقة صغيرة فلفل اسود
- 1 ملعقة صغيرة بابريكا
- 1/4 ملعقة صغيرة سكر
- 1 مكعب مرقة دجاج
- 1 ملعقة كبيرة سمنه
- 3 ملاعق كبيرة زيت
- 1 كوب شوربة (دجاج أو لحمة)
طريقة التحضير
- أولاً في حلة مناسبة حوطيها على النار وحوطي فيها الزيت والسمنة وبعد كدة ضيفي البصل والثوم وقلبيهم مع بعض ولما يتغير لون البصل شوية حوطي الكوسة والجزر والبسلة والبطاطس وقلبيهم مع بعض 😍
- حوطي بعد كدة الطماطم والصلصة ومكعب مرقة الدجاج وضيفي الملح والفلفل والبابريكا والسكر وكوب الشوربة وقلبيهم مع بعض وهدى النار عليهم وسيبي الخضار يتسبك حبة لمدة نصف ساعة 😍
- جيبي طاجن كبير أو طواجن صغيرة وحوطي فيها الخضار ودخلي الطاجن الفرن لمدة 15 دقيقة وبعد كدة شغلي الشواية علية عشان ياخد لون حلو ولما يتحمر من فوق خرجية من الفرن وقدمية بعد كدة بجد تحفه و رووعه 👌🤩جربيه وأكيد هيعجبك وبالعافيه عليكي حبيبتي 😘😍💓🌷
- 😋😋😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد