→ كل الوصفات

طاجن سمك ماكريل المشطشط

طريقة عمل طاجن سمك ماكريل المشطشط سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو سمك ماكريل
  • 5 بصلات كبار
  • 3 طماطمات مبشورين
  • 5 فصوص توم
  • 3 ملاعق عصير ليمون
  • قرون فلفل
  • ملح
  • فلفل اسود
  • قليل زيت
  1. هنجيب سمك الماكريل وننظفه كويس ونغسله بالملح والدقيق وبعدين ننقعه في ميا فيها خل وملح علشان نتأكد انه مابقاش فيه زفرة
  2. هنبشر البصل شرايح رفيعه ونحط عليها ملح وندعكه بالايد علشان ينزل ميته دى اهم حاجة في الطبخه
  3. ونفس الحكاية هنبشر الطماطم ونفركها بالايد طعمها بيبقى تحفه غير لما تضرب في الخلاط
  4. بعد ما فركنا البصل والطماطم هنقطع التوم شرايح ونحط الفلفل الاسود وقرون فلفل متقطع او صحيح ونحط زيت وعصير الليمون لما بيبقى كتير بيخلى طعم السمك يجنن ورحته بتبقى تحفه
  5. هنقلب كل المكونات على بعض ونحشى بيها السمك ونرصها في الطاجن وطبعا منحطش ميا لان السمك هيستوى في ميا البصل والطماطم وعصير الليمون وشوية الزيت وهيبقى تحفه
  6. ندخله الفرن ونتابعه لحد مايستوى والوش يحمر. يقدم ومعاه طبق رز صيادية وشوية سلطة وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →