→ كل الوصفات
(اسمعلاوى على طريقتي)
المقادير
- 0.5 كيلو جمبري وسط بقشره
- 0.5 كيلو سيبيا (سبيط (حبار) او كاليماري), مقطعة
- كيلو ام الخلول (جندوفلي (بلح البحر او صدف)او صدف)
- 6 عيدان كرفس
- 2-3 ورق لورا
- 2 بصل, صغيرين, مكعبات
- 3 ثمرة طماطم
- 1 فلفل, اخضر
- 1 فلفل, احمر
- 1 فلفل, اصفر
- معلقتين زبدة
- معلقة زيت
- معلقة دبس رمان
- معلقة صويا صوص
- ربع كوب مياه, لو احتاج
- فصين ثوم
- فلفل اسود
- بابريكا
- قرفة
- كزبرة, ناشفة
- كاري
- ملح
- كمون
- حبهان, مطحون
طريقة التحضير
- ننزل في حلة مناسبة بالزبدة والزيت على النار. يسخنوا, ننزل بالبصل والثوم و الفلفل المقطع والطماطم المقطعة وممكن ننزل بربع كوب مياه, لو احتاج
- نسيبهم مع بعض يستوي حوالي 5 دقائق. ننزل بالبهارات وورق اللورا ودبس الرمان والصويا صوص
- ونسيبهم يخدوا 3 دقائق مع التقليب. وننزل بالكرفس
- دى خطوة مهمة انك متحطش اي من مكونات الطاجن البحرية دلوقتى, علشان مايجلدش ويبقى زي الكاوتش
- تنزل بالسيبيا (السبيط), تأخذ غلوتين و تدخل فيها سن السكينة يغرس. تنزل بالجمبري وتقلب
- تكون انت مجهز من بدري الجندوفلي, ناقعه في ماء ملوحتها زي ملوحة البحر, مدة 5 ساعات
- وبعدين تغسيلها كويس وتحطيها في حلة مع شوية ماء وتسبيها على النار تغلي وتفتح كلها
- وتحطيها في مصفاة تنزل ميتها وتغسليها بماء جاري,علشان تنزل كل الرملة منها
- بعدين تحطيها في الحلة وتقلبيها مع بعض. وتأخذ غلوتين
- بعدين تحطيها في طاجن او بايريكس في الفرن 10 دقائق
- وتشغلى الشواية حوالي 5 دقائق
- بتاكل مع سلطة خضراء وطحينة وخبز بلدي. بجد جربوا وقولو رأيكم
- وبالهناء والشفاء
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد