→ كل الوصفات
#Hadeer_Ashraf ❤️
المقادير
- 1/2 كيلو صدور فراخ متقطعة مكعبات
- 1 بصلة متوسطة متقطعة شرايح
- شرايح فلفل اخضر متقطع
- رشة ملح وفلفل
- 1 معلقة صغيرة (بهارات فراخ - توم بودر - بصل بودر)
- 4 معالق كبار زبدة او (سمنة على زيت)
- 4 معالق كبار مليانين دقيق
- 1 لتر حليب
- 1 مكعب مرقة
- رشة (ملح - فلفل)
- جبنة مشكلة (مودزريلا - رومي - شيدر)
طريقة التحضير
- نضع مكعبات الفراخ وعليها بهارات التتبيلة من قبلها بليلة
- تاني يوم هنجيب طاسة ع النار نحط فيها زيت وننزل بشرايح البصل والفلفل ونقلبهم تقلبتين لحد ما يدبلوا
- بعد كدا ننزل بمكعبات الفراخ ونقلبهم لحد ما يستووا ويتحمروا
- بعد كدا هنطلع مكعبات الفراخ لوحدها من غير البصل والفلفل ونحطها ف صنية او طاجن
- بعد كدا نجهز البشاميل نحط الزبدة لما تسخن وعليهم الدقيق ونقلبهم كويس
- بعد كدا ننزل بالحليب على 3 دفعات ونقلب كويس ونضيف مكعب المرقة
- نظبط الملح ونضيف رشة الفلفل ونفضل نقلب لحد ما البشاميل يتماسك
- نحط البشاميل على مكعبات الفراخ وندخلها الفرن تحت الشواية تاخد لون دهبي
- قبل ما تتحمر نحط الجبنة ع الوش وندخلها تاني تاخد اللون وبس كدا 😋
- ملحوظة.. البصل والفلفل اللي طلعناه من تحمير الفراخ مش بيترمى ابدا لا بيتاكل بعيش مع البشاميل وبيبقا توووحفة جدا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد