→ كل الوصفات
طريقة عمل طاجن فريك بالكبد والقوانص وفراخ محشية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخة كاملة
- ½ كيلو فريك منقوع ربع ساعة ومتصفي
- نص.ك كبد وقوانص
- مكعب مرق
- ملح
- فلفل
- بهارات
- بابريكا
- رشة قرفة وزنجبيل
- ثوم وبصل بودر
- .م.ك. صويا صوص
- دبس الرمان
- م.ك زيت
- م.ك خل
- ملح
- فلفل
- بهارات
- بابريكا
- ثوم وبصل بودر
- م.ك سمنة
- بصلة مقطعة صغير
طريقة التحضير
- الطريقة ف صينية هنضيف السمنة وننزل بالبصلة ونشوح ومعاها رشة فلفل لما تذبل ننزل بالقوانص ونقلب لحد مايتغير لونها ونوسع بعدها مكان للكبد ونقلب لحد مايتغير لونها وبعدها نقلب كله على بعض
- وننزل بعدها بالفريك ونقلب كويس جداً
- وننزل بالتوابل والنرق نقلب كويس
- نجيب الفرخة بعد ما نغلسها كويس نحط فيها جزء من الفريك
- ونحشيها كويس ونقفل الاوراك على على بعض
- وباقي كمية الفريك وطبعا كمية كبيرة هنضيفها ف طاحن فخار ونسقيها بمية مغلية او شوربة لحد مستوه بالظبط مش عالي عنه
- ونغطيها بورق فويل وتدخل الفرن على درجة عالية مدة ساعة
- بالنسبة للفراخ اللي حشيناها ننزل بالصويا ودبس الرمان وباقي المكونات ونخلط وننزل فيها بالفراخ نتبلها كويس اوي
- ونحطها ف كيس حراري ونقفله ونحطها ف صينية فرن ونضيف لها مية وتدخل الفرن على درجة عالية مدة ساعة ونص ساعتين حسب حجم الفراخ ونخرجها
- قدمت الفراخ على الطاجن وزينتها باي خضرة والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد