→ كل الوصفات

طاجن قرنبيط بالبشاميل واللحمة المفرومة

طريقة عمل طاجن قرنبيط بالبشاميل واللحمة المفرومة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • زهرة (قرنبيط) قرنبيط كاملة
  • 1/4 لحمة مفرومة
  • بصلة مفرومة
  • 4 ملاعق سمنة
  • 4 ملاعق دقيق
  • لتر لبن
  • ملح وفلفل اسود
  • مكعب مرقة
  • كمون
  • بهارات لحمة
  1. هنحط ملعقة سمنة وننزل بصلة مفرومة حتى تتبدل ننزل باللحمة المفرومة ونتبلها ملح وفلفل وبهارات لحمة ونص مكعب مرقة
  2. هنحضر زهرة (قرنبيط) القرنبيط نقطعها زهرات صغيرة ونغسلها كويس اوي بالمياه وفي وعاء على النار هنحط مياه اول ما تغلي هنحط فيها ملح وكمون وننزل بالقرنبيط المقطع واول ما يستوي هنصفيه كويس اوي في مصفاة
  3. هنحضر البشاميل هنحط السمنة والدقيق يتحمر هنزل باللبن مع التقليب المستمر ونضيف ملح وفلفل ومكعب مرقة ونقلب حتى يتقل القوام
  4. في الطاجن هنحط طبقة بشاميل وانزل بنص القرنبيط وعليه بشاميل وبعدين اللحمة المفرومة وبعدين أضيف نص القرنبيط التاني وعليه باقي البشاميل وادخله الفرن حتى يحمر الطاجن وبالهنا يتاكل بالرز الأبيض او العيش
عجبتك الوصفة؟
شوف كل وصفاتنا في مكان واحد
كل الوصفات →