→ كل الوصفات

طاجن كاليماري محشي بالجمبري

طاجن كاليماري عظمة يا جماعة والله جربوها على ضمانتي 😉

  • كيلو كاليماري
  • م ك ثوم مفروم
  • 1/4 كوب كرفس مفروم
  • م ص ملح
  • فلفل
  • كمون
  • كاري
  • رشة زيت
  • 1/2 جمبري صغير متقشر
  • مكعبات طماطم
  • مكعبات فلفل
  • مكعبات بصل
  • كرفس
  • نفس النتبيلة السابقة (كمية حسب الاحتياج)
  • شرايح بطاطس
  • المتبقي من التتبيلة السابقة
  • المتبقي من الحشوة السابقة
  1. اولا : غسلت الكاليماري كويس جداً وشيلت الجلد بتاعه ، وبعدين فصلت الرأس عن الذيل ، والذيل انا قليته (تبتلته بالتتبيلة السابقة وبدرته بدقيق وقليته في زيت غزير)
  2. تبلت الكاليماري بالتتبيلة السابقة ، وجهزت الحشوة وتبلتها بنفس التتبيلة وكله ني في ني ، وبدأت احشي الكاليماري بالحشوة وتضغطي عليه كدة في الحشوة وتسيبي مسافة سم يعني متحشيهوش للآخر ،
  3. في صينية حطيت شرايح بطاطس، وضفت عليها باقي التتبيلة السابقة هتلاقي شوية صوص كدة من التتبيلة ولو زاد عندك من الحشوة حاجة حطيها مع البطاطس ، ورصي عليها الكاليماري ، ورشيت رشة زيت ودخلتها الفرن لحد تمام السوي ، وبعدين فتحت الشواية ياخذ لون وبس كدة ،
  4. قدمته مع سمك سردين مقلي ، وكشك بالجمبري (في البوست القادم) ، ارز صيادية بشوربة الجمبري (في البوست القادم) ، وكاليماري مقلي وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →