→ كل الوصفات

طاجن كفتة الارز والبطاطس

طريقة عمل طاجن كفتة الارز والبطاطس سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو لحمة مفرومة مرتين
  • 750 جرام ارز ابيض مغسول ومتصفي
  • حزمة شبت وحزمة كزبرة خضراء وحزمة بقدونس
  • بصلتين متوسطين
  • 5 فصوص ثوم
  • معلقة كبيرة ملح
  • نصف معلقة صغيرة فلفل اسود
  • معلقة صغيرة كمون
  • معلقة كبيرة كزبرة ناشفة
  • معلقة صغيرة بيكنج باودر
  • معلقة صغيرة بهارات سبعة
  • معلقة صغيرة ثوم باودر وبصل باودر
  • كوب عصير طماطم
  • بصلة متوسطة مفرومة
  • معلقة صغيرة ثوم مفروم
  • ملح وفلفل
  • بهارات سبعة
  • شوربة لحمة
  • قطعة لية صغيرة
  • مكعبات بطاطس متقطعة
  1. هنطحن الارز ف مطحنة التوابل وبعدين نضيف عليه ف الكبة الخضره والبصل والثوم والملح والتوابل ونطحنهم ف الكبة كويس جدا لحد ما تبقي عجينة متجانسة القوام ندخلها التلاجة ترتاح شويه
  2. هنصبعها ويكون جنبنا طبق فيه زيت بنحط ايدنا فيه واحنا بنصبع عشان الكفتة متلزقش وبعدين نحط زيت غزير ع النار لحد ما يقدح ونحمر الكفتة فيه لحد ما تاخد لون عسلي
  3. نحضر الصلصة بنشوح البصل والثوم مع قطعة الليه وبعدين ننزل بالطماطم ولما تغلي نهدي النار ونغطي عليها لحد ما تتسبك وبعدين نجيب صينية بيريكس وننزل الكفتة ومكعبات البطاطس والتسبيكة ونحط شوربة ونخلي الصلصة بالشوربة تغطي الكفتة والبطاطس كويس
  4. ندخلها الفرن الرف اللي تحت درجة حرارة ٢٢٠ ونغطيها بورق فويل لحد ما البطاطس تستوي وقوام الصلصة يتظبط نشيل الفويل ونشغل الشواية ونحمر وش الكفتة والبطاطس و بالف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →