→ كل الوصفات

طاجن كفتة بالخضار في الفرن

وصفة سهلة وسريعه مش هتاخد وقت كتير وطعمها حلو جدا هتعجبكم جدا بإذن الله ❤️

  • 1/2 ك عجينه كفته (هتلاقي طريقه عندي في الوصفات)
  • 4 طماطم مقطعه شرائح دائريه
  • 3 فلفل رومي أخضر مقطع شرائح دائريه
  • 3 بطاطس مقطعه دوائر ومقلية نص قلية
  • رشة بهارات كفته (طريقه عندي ف الوصفات)
  • كوب عصير طماطم
  • رشة ملح وفلفل اسود
  1. ملحوظة قبل ما ندخل في طريقه الوصفة : عجينه كفته كده كده بتبقى متبلة بالملح والفلفل وبهارات كفته ف مش محتاجين نتبلها تاني
  2. ندخل بقى في الوصفة : هنشكل الكفتة صوابع او كور ونقليها نص قلية وبطاطس بردو هنقشرها ونغسلها ونقطعها دواير كلها اد بعض علشان يستوي زي بعض و قليتها في زيت نص قلية
  3. وأجيب طاجن ونرصص قطعه كفته وبعدين شريحه بطاطس وبعدين شريحة طماطم وبعدين شريحه فلفل ونرجع نعيد نفس رصه علشان يدي شكل حلو
  4. وع جنب هجيب عصير طماطم واحط فيه رشه ملح وفلفل اسود وبهارات كفتة واخلطهم كويس وبعدين أصبها ع كل مكونات المترصصه في طاجن وادخلها الفرن لحد ماتستوي كل مكونات فيها وصوص يتسبك وتاخد لون بسيط و تقدميها جنب رز وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →