→ كل الوصفات
طبعا كلنا بنحب الطواجن في الأكلات لانها بتديها طعم مميز😋.. بس مش شرط الطاجن للاكلات بس.. لأنها بتبقى تحفة في الحلويات كمان زي مثلا ام علي والارز باللبن.. عشان كده عملتلكوا النهاردة طاجن كيكة النسكافيه والشيكولاتة.. كيكة بقي كده سريعة وسهلة ولذيذة 😋 يالا نشوف الطريقة العسولة دي
المقادير
- بيضة🥚
- فانيليا
- ½ كوب لبن🥛
- 3 ملاعق سكر🍚
- 2 باكو نسكافيه بلاك
- 4 ملاعق كبار دقيق او حسب النوع🍚
- ملعقة كبيرة بيكنج بودر 🍚
- قطعة شيكولاتة خام 🍫
- شيكولاتة فرماسيل وكرسبي
- سوداني مجروش
- بسكويت أوريو 🍪
طريقة التحضير
- اول حاجة هنجيب طاجن وندهنه زيت خفيف وهنضيف البيضة🥚 والفانيليا واللبن🥛🍚
- وهنضيف السكر 🍚ونقلب كويس جدا لحد لما تعمل رغاوي
- وبعد كده هنضيف النسكافيه ونقلب كويس جدا
- وبعد كده هنضيف الدقيق بالتدريج ونقلب في اتجاه واحد لحد لما يبقى زي الكيكة بالظبط العادية👌 ولا تقيل قوي ولا خفيف قوي.. وبعد كده هنضيف البيكنج بودر ونقلب في اتجاه واحد عشان مايخرجش الهوا وتبقى هشة وطرية
- وبعد كده هنضيف قطعة شيكولاتة خام🍫 اي نوع وده اختياري
- وبعد كده هنسخن الفرن جامد ونحطها على درجة حرارة 180 من ربع ساعة لتلت ساعة أو حسب ماتستوي.. وبعد كده هنفضل نخرم فيها نخرم فيها بخلة الأسنان او بشوكة لحد لما نعذبها 😂😂
- وهنحط شيكولاتة سايحة🍫 وهي سخنة عشان تتفرد عليها بسهولة وهنزينها بشيكولاتة فرماسيل.. وكرسبي.. وسوداني مجروش.. وواحدة بسكويت أوريو 🍪
- وبس كده ده الشكل النهائي وبالهنا والشفا على قلبكوا الجميل ❤️🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد