→ كل الوصفات
طاجن السعادة او طاجن كيكة الاوريو🍮 إللي هياكلها هيبقي مبسوط وسعيد كده اهو 😁 ايوة بالظبط كده 😂وهيبقي كمان عنده طاقة عالية 🏃♂️🏃♀️وهيكسر الدنيا💪😆😆 طريقة سهلة وجميلة لذيذة ومناسبة للاطفال👶🧒 والكبار 🙎♂️🙎♀️ والافضل تتاكل وهي ساخنة عشان تتدفوا 😊 جربوها مش هتندموا 👍😋. طيب اوكي شكرا 😁😂 اه صح اسمها كوكينا Cookina والشعار كوكينا اكلتك علينا😘 #وصفات_شتوية #كوكينا #كوكينا_اكلتك_علينا #Cookina #كوكينا_cookina #حلويات #طاجن #اوريو #كاكاو #لبن #كيكة #طاجن_السعادة
المقادير
- باكو اوريو او 6 قطع
- 1/2 كوب لبن 🥛 او فنجان صغير يكون دافي
- معلقة كبيرة كاكاو خام
- معلقتين كبار سكر🍚 او حسب الرغبة
- 1/2 معلقة كبيرة بيكنج باودر
- معلقتين كبار زيت🥃
- معلقة كبيرة ونص دقيق او حسب النوع🍚
- شوكولاتة 🍫 ملونة فرماسيل
- شوكولاتة سايحة🍫
- شيكوبون
طريقة التحضير
- اول حاجة هنجيب الاوريو ونكسره ونحطه في الطاجن او اي حاجة تنفع تدخل الفرن
- وبعد كده هنحط لبن قد الفنجان الحلو ده
- وبعد كده جيبي شوكة واهرسيها عشان تذوب
- بعد كده حطوا السكر
- وبعد كده الكاكاو
- والبيكنج باودر
- ونقلب
- وهنحط الدقيق ونقلب في اتجاه واحد عشان ما يخرجش الهوا
- انا هنا ضفت شوية لبن🥛 عشان كان تقيل شوية المفروض ما يبقاش ولا تقيل ولا خفيف يبقى متوسط
- وهنا ضفت شوية فرميسال ملون وده اختياري
- وكده خلاص هنحطها في الفرن على درجة حرارة 180 ويكون الفرن سخن قبلها وهتستوي في حوالي ثلث ساعة أو حسب الفرن
- وهنا طلعت من الفرن بألف سلامة
- وهنا جبت شوكولاتة سايحة بجنيه بحاله وشيكوبون
- وهنا خلاص خلصت وطلعت زي لعبة اكس اوه x o 😂😂😂😂 وده شكلها من جوا تحفة جداا وبالهنا والشفا على قلبكوا الجميل الطيب ♥️🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد