→ كل الوصفات

طاجن كيكة الفانيليا بالكاسترد 😋❤️

كيكة الفانيليا بالكاسترد من أنواع الكيك اللذيذة😋 أوي ممكن تعمليها في طواجن أو أي حاجة عندك مناسبة تدخل الفرن عشان تكون الكيك على قد فرد واحد بجد حلوة 👌🏻ولذيذة وبتتاكل وهي دافية هتعجبك جداً لو جربتيها🤗😍

  • لعمل كيك الفانيليا نحتاج
  • 2 كوب دقيق
  • 1 كوب سكر
  • 2 بيضة
  • 1/2 كوب زيت ذرة
  • 3/4 كوب حليب
  • 1 ملعقة كبيرة بيكنج بودر
  • 1 ملعقة صغيره فانيلا سائلة
  • 1 ملعقة كبيرة خل
  • لعمل الكاسترد نحتاج
  • 3 كوب حليب
  • 3 ملاعق كبيرة كاسترد بودرة
  • 3 ملاعق كبيرة سكر
  1. أولاً هنحضر الكيك جيبي الخلاط الكهربائي وحوطي فية الزيت والحليب والسكر والبيض والفانيلا والخل وإخلطيهم مع بعض كويس جداً 😍
  2. جيبى طبق غويط وحوطي فية الدقيق والبيكنج بودر وقلبيهم مع بعض كويس وبعد كدة حوطي الخليط السائل الموجود في الخلاط على الدقيق وقلبيهم مع بعض بمضرب سلك يدوي 😍
  3. جيبي طواجن مناسبة تتحمل حرارة الفرن ووزعي خليط الكيك في كل طاجن بس أملي اقل من نصف الطاجن عشان هيرتفع في الفرن وبعد كدة هنحوط الكاسترد من فوق بعدلما يبرد الكيك😍
  4. بعد لما توزعي خليط الكيك في الطواجن دخلي الطواجن الفرن على درجة حرارة 180 لمدة 20 دقيقه تقريباً ولما الكيك يستوي خرجية من الفرن وسيبية يبرد 😍
  5. حضري بعد كدة الكاسترد جيبي حاجة مناسبة وحوطي فيها الحليب والسكر والكاسترد البودرة وقلبيهم مع بعض كويس وبعد كدة حوطيهم على نار هادية واستمري في التقليب لحد لما يتقل القوام ويكون كريمي وبعد كدة شيليه من على النار ووزعية في كل الطواجن وسيبية يبرد حبة😍
  6. قدمي الطواجن بعد كدة وهي دافية وأستمتعي بالطعم التحفة جربيها أكيد هتعجبك😍 بجد ميكس الكيك مع الكاسترد لذيذ جداً 😋
  7. 😋😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →