→ كل الوصفات
طريقة عمل طاجن لحمة بالخضار سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو لحمة قطع
- 2 بصله كبيره ووسط
- 3 حبه طماطم وسط
- ا فلفل كبيره
- كوسايه كبيره
- بهارات
- ملح وفلفل اسمر
- كمون
- ورق لوري
- كبيبه وحبهان
- بهارات لحمة لو موجوده
- ا حبه بطاطس كبيره
طريقة التحضير
- اول حاجه نسلق اللحمة عشان نطلع شوربه.ننزل باللحمه نشوحها ومعاها طماطم وبصلايه وسط وورقه لوري وفص حبهان وكبيبه صيني ورشه ملح ورشه فلفل اسمر وحبهان
- بعد ماتتشوح ننزل بماء مغليه وبعد ماتغلي نهدي عليها تستوي
- نقطع البطاطسايه مكعبات كبيره ونسلقها ونشيلها قبل ماتستوي بدقائق.في الوقت دا نقطع بصله كبيره اربعه انصاص وفلفلايه وحبتين طماطم وكوسايه شرايح بس رفيعه عشان تستوي ونشوحهم على النار ونحط عليهم ملح وفلفل وكمون وبهارات لحمة ونزود عليهم البطاطس ونقلبهم سوا ونطفي النار
- في طاجن صغير نحط نص الخضار وبعدين اللحمة وبعدين باقي الخضار واتنين كرنيب شوربه وندخلها الفرن على حراره عاليه م تحت ونشغل الشوايه
- مجرد ماتغلي كام غلوه ياخدوا م طعم بعض وتحمر م فوق نخرجها م الفرن ونقدم معاها رز بشعيريه وبألف هنا😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد