→ كل الوصفات
#طبخات_عائلتي
المقادير
- لسان عصفور
- كيلو كبد وقوانص
- مكعبات بصل
- مكعبات طماطم
- مكعبات فلفل الوان
- معلقتين معجون صلصة طماطم
- فلفل اسود
- ملح
- بهارات فراخ
- مكعب مرقه
- زعتر
طريقة التحضير
- نشوح بصل مكعبات صغيرة مع رشه ملح وفلفل ومكعب مرقه على نار هاديه
- ولما يذبل البصل نضيف القوانص مقطعة نصين ماتصغيرش حجمها وبخصوص الكبد والقوانص لو لونها مش محمر وحلو كده ماتجيبهاش وفي الاخر نقول وحشه وزفره الكبد والقوانص الطازه مش محتاجه اكتر من ان ننقع في ماء وملح نص ساعة وتتغسل كويس
- اول ما القوانص تبتدى تستوي نضيف الكبد وبردو مقطعة نصين وبراحه انتى بتقلبيها عشان متتهريش
- بعد مايتغير لون الكبد نضيف مكعبات فلفل الوان وقلبى
- نتبل ملح وفلفل وبهارات فراخ ورشه زعتر
- نضيف معلقتين صلصة معجون ونقلب كويس مع رشه سكر
- وطماطم مقطعة مكعبات صغيرة ونقلب ونسيبها على نار هاديه
- هنا الكبد والقوانص استوت
- نضيف ماء مغليه ونقلب واول ماتغلى كويس اطفى النار
- لسان عصفور متحمر كويس حطيه في طاجن كده متقلب بملح
- نضيف خليط الكبد والقوانص ونقلب كويس بس السائل كده قليل نزود ماء مغليه ثاني كده عشان لسان العصفور يستوي كويس
- نغطى الطاجن بورق فويل وندخله الفرن سخن درجه الحراره ١٨٠لمده ٢٠دقيقه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد