→ كل الوصفات

☆ طاجن محشي كرنب ☆

#يوميات_رمضان 💞 #المصور_الذهبي 📷 استعنا علي الشقا بالله💪😁

  • راس كرنب مسلوق ومتقطع
  • كيلو رز مغسول ومتصفي
  • 2 ك طماطم معصورين
  • 4 بصلات متقطعين
  • معلقتين كبار ملح
  • م ص فلفل اسود
  • م ص كمون
  • م ص كزبره ناشفه
  • م ص نعناع ناشف
  • م ص شطه
  • معلقتين صلصه
  • حزمه من شبت وكزبره وبقدونس متقطعين
  • كوب شوربه لحم او فراخ المتوفر عندك
  1. لو ما فيش شوربه لحم او فراخ المتوفر عندك يبقي كوبايه مايه سخنه وبنضيف عليهاواحده ماجي او اتنين وبنحط عليها معلقه ملح ومعلقه فلفل اسود ومعلقه شطه صغيرين وندوبهم ونجيب طماطميتين وقرن فلفل حامي ونضيف عليهم الشوربه بتاعتنا ونضربهم ف الخلاط علشان نسقي بيه المحشي
  2. هنحمر البصل ف الزيت وبعد مايحمر هننزل عليه بالطماطم المعصوره والتوابل بتاعتنا الكميه حسب ذوقك ف الاكل ونسيبها تتسبك كويس اول ماتتسبك نجيب الرز ونغسله كويس وتصفيه حلو ونحط عليه الخضره بتاعتنا والصلصه ونقلب (انا مش بحب احط الخضره ع الصلصه لان لو زادا معايا الصلصه بتنفع مكرونه) ولو حسيتي انه عايز ملح او توابل ضيفيله براحتك
  3. بنجيب الكرنب اللي سلقناه وقطعناه خلاص نبدء بقي نلف😉 ونكون حطين ف الطاجن العصيان بتاعت الكرنب علشان تحميلي المحشي مايلزقش ونلف لغايه مانخلص كل الكميه بتاعتنا اه يانا ياضهري😭😭😭😭😭😭😭😭 ونكون محضرين شوربه ونحط عليها واحده ماجي ونضرب معاهم طماطميتين وقرن فلفل حامي ونسقي بيها المحشي ونغطيه ب ورق فويل ونحطه ف فرن ساخن مسبقا ع درجه حراره 200 واول مايستوي نقدمه وبالف هنا 😙😙😙
عجبتك الوصفة؟
شوف كل وصفاتنا في مكان واحد
كل الوصفات →