→ كل الوصفات

طاجن محشي ورق عنب في الفرن

طاجن محشي ورق عنب في الفرن

  • 1/8 كيلو ورق عنب
  • 1 1/2 كوب ارز مصري
  • 1 1/2 كوب شوربه
  • 2 ملعقه زبده او سمن
  • 2 فص ثوم اللحمه
  • 1 فص ثوم مفروم للخلطه
  • ورق لورا
  • 1 بصله متوسطه مفرومه
  • بهارت مشكله للمحشى
  • 1/2 ملعقه ص كمون
  • 1 ملعقه ص كزبره ناشفه
  • 1/2 ربطه من الـ كزبره -شبت
  • 2 ملعقه ك صلصه طماطم
  • 1 كوب كبير عصير طماطم
  • 2 فلفل متقطع مدور
  • شرائح ليمون
  • طماطم متقطع شرائح مدوره
  • 1 بصله متقطعه شرائح مدوره
  • 1/2 كيلو لحمة متقطعه حجم وسط
  • بوكيه جارنيه ⬇️
  • 1 بصله متقطعه مكعبات
  • 1 طماطم متقطعه مكعبات
  • كرفس
  • 1 جزر متقطع مكعبات
  • 4 فص ثوم
  • حبهان
  • ورق لورا
  • فلفل اسود حصى
  1. اللحمة ؛ في حله ساخنه نزلت 1 ملعقه ك زبده او سمن، تبلت اللحمة برشه ملح وفلفل، نزلتها في الحله لحد ما اخدت لون، ضفت عليها ثوم -ورق لورا قلبتهم شويه ونزلت عليهم البوكيه جارنيه (منكهات للسلق) قلبتهم مع اللحمة لحد ما الريحه ظهرت، ضفت ماء غطى المكونات كلها، اذا احتاجت ماء ثاني ممكن ازودها، اول ما استوت ضفت الملح
  2. المحشى ؛ في حله ساخنه نزلت فيها 1 ملعقه ك زبده او سمن، ثوم -2/3 بصله -بهارات المحشى وقلبتهم شويه وضفت كمون -كزبره ناشفه -صلصه -عصير طماطم وسيبتها تتسبك -ضيفت الارز وقلبته وقفلت النار وضيفت الـ شبت -كزبره متقطعين صغير -باقي البصله مع رشه فلفل اسود
  3. كدا خلصت خلطه المحشى، نزلت عليها 1 ملعقه زيت زيتون، جبت طاجن فرن دهنتو بالزبده، وزعت فصوص ثوم -بصل -فلفل -طماطم -ليمون -اللحمة، لفيت ورق العنب ورصيته في الطاجن
  4. صفيت الشوربه ونزلت منها في الطاجن، لحد ما وصلت لاول صف لكن مش للاخر، غطيت الطاجن بورق فويل، دخلت الطاجن الفرن على حراره 200 لمده ربع ساعة، نزلت الحراره 180 لمده ربع ساعة، لما بدا يغلى رفعت الطاجن درجه لفوق على نفس الحراره لمده نصف ساعة، وزعت عليه 2 ملعقه ك زيت زيتون وقلبت الطاجن. بالف هنا😋
عجبتك الوصفة؟
شوف كل وصفاتنا في مكان واحد
كل الوصفات →