→ كل الوصفات

طاجن مسقعه دايت

طريقة عمل طاجن مسقعه دايت سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • حبة باذنجان كبيرة مقطعه شرايح ومرشوش عليها ملح
  • حبة بطاطس مقطعه مكعبات
  • شرايح فلفل
  • شرايح طماطم
  • اربع طماطم مقطعه ومعصورة في الخلاط
  • معلقة ثوم مفروم
  • معلقة زبدة او سمنة
  • معلقة خل
  • ملعقة صلصة طماطم
  1. احضرى طاسة مدهونة ملعقة زيت وحمرى فيها شرايح الباذنجان ولو نشف الزيت ضيفى كمان مسحة زيت
  2. بعد كدا شيلى الباذنجان وحطى البطاطس تتحمر بمسحة زيت اخرى وافضلى قلبى فيها عشان متتحرقش وطلعى البطاطس
  3. هاتى حلة ضعى فيها ملعقة الزبدة وشوحى فيها الثوم وانزلى بالصلصة والطماطم والخل وسيبها تتسبك شوية
  4. رصى الباذنجان والبطاطس والفلفل والطماطم في طاجن او صينية وانزلى فوقهم بالصلصة المتسبكة
  5. وشغلى الفرن على الشواية ودخلى المسقعه تاخد لون او وش
  6. وبالف هنا
عجبتك الوصفة؟
شوف كل وصفاتنا في مكان واحد
كل الوصفات →