→ كل الوصفات
طريقة عمل طاجن معكرونة بالفراخ والبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو معكرونه (نصها سباغيتي والنص التاني قلم)
- 1/2 كيلو صدور فراخ مخليه
- 2 كوب دقيق
- لتر لبن
- كوب كريمه طبخ
- بصله كبيره مفرومه
- جبنة موتزاريلا
- 4 ملاعق ملح وفلفل كبار
- معلقه بهارات فراخ
- عيدان قرفة
- معلقه ثوم بودر
- معلقه بابريكا
- معلقه زنجبيل ناعم
طريقة التحضير
- المعكرونه بنسلقها عادي بس نص سلقه مش نخليها تستوي وبنشيلها على جمب
- نقطع صدور الفراخ مكعبات وعلى طاسه فيها زيت بحط البصل والقرفه والزنجبيل والثوم البودرة والبابريكا والبهارات وبقلبهم كويس لحد ماالبصله تتبل وتأخذ لون مع الاضافات وبعدها نحط الفراخ ونقلبهم ونخفف النار علشان الفراخ تنزل الماء وتستوي وقبل السوي بعد الملح بالفلفل الاسمر حسب الرغبه
- لعمل البشاميل في حلة متوسطه بنحط ملعقة سمن بلدي وعليها الدقيق ونقلب باستمرار لحد اما الدقيق يبقى حبيبات ونحط عليه اللبن ونقلب باستمرار وياريت النار تبقي متوسطه وبعدها نحط الكريمه ونقلب لحد مانوصل للقوام المطلوب وبعدها نحط الملح حسب الرغبه (لو الدقيق كلكع منك جوا اللبن ممكن تضربيه في الخلاط علشان يبقى سايل معاكي)
- بنجيب الطاجن ونحط فيه شويه بشاميل ونحط المعكرونه القلم الاول وبعدها بنوزع قطع الفراخ ونحط المعكرونه الاسباغتي فوقهم وباقي البشاميل ونقلبهم بهز الطاجن ومن فوقهم الجنبه ونحطهم في الفرن على نار عاليه ٢٢٠ لمده ثلث ساعة وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد