→ كل الوصفات
الكاري هو البهار الاساسي فوصفتي النهاردة 👩🍳
المقادير
- كيس معكرونة الشكل اللي تفضليه
- كيلو لبن (4 اكواب)
- 3 معالق كبار دقيق
- ملعقة كبيرة نشا
- ملعقة صغيرة مليانة كاري
- ملعقة صغيرة كركم
- 1/2 ملعقة صغيرة فلفل اسود او ابيض لو متوفر
- 2 مكعب ماجي
- ملح حسب الاحتياج
- 1/2 كيلو مفروم لحمة
- بصلة مبشورة ومعصورة
- ماء البصلة
- 1/2 كوب بقدونس مفروم
- ملعقة صغيرة كاري
- 1/2 ملعقة صغيرة سماق
- 1/2 ملعقة صغيرة قرفة
- 1/2 ملعقة صغيرة فلفل اسود
- ملعقة صغيرة مليانة ملح او حسب الاحتياج
- كيس جبنة موتزاريلا
طريقة التحضير
- اولا اجهز الكفتة : في بولة اخلط كل مكونات الكفتة مع بعض واعملها كور وابدأ اشويها في طاسة تيفال بمكعب زبدة وفيه حبهان عشان ندي الزبدة طعم وبعدين انزل عليها وهي بتتشوي شوية من ماء البصلة المبشورة واسيبها لحد تمام السوي ،،
- ثانيا المعكرونة :اسلق المعكرونة في ماء ساخن وزيت وملعقة ملح ولما تستوي اشطفها بماء فاتر واسيبها على جنمب ،،
- ثالثا الصوص: في حلة احط اللبن والنشا وباقي التوابل السابقة واقلبه على البارد وارفعه على النار وافضل اقلب لحد لما الصوص يبدأ يمسك معايا وخلي بالك متخليهوش يمسك اوي عشان ميبقاش معاكي بشاميل وبعدين احط فيه نص كمية الجبنة الموتزاريلا واقلب ،،
- في بولة كبيرة احط المعكرونة واديها شطفة بالماء عشان افكها من بعض واصفيها بعدين احط عليها كور الكفتة المشوية واحط عليها شوية حلوين من الصوص واقلبهم كويس ،،
- في صينية بايركس غويطة او اي صينية متوفرة عندك احط المعكرونة وانزل بباقي الصوص عليها وارش باقي الحبنة الموتزاريلا على الوجه وادخلها تحت شواية الفرن لحد لما الجبنة تأخذ لون وبألف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد