→ كل الوصفات
طريقة عمل طاجن معكرونة بالكبدة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- للكبدة
- 0.5 كيلو كبدة
- 0.5 ليمونة
- ملعقة صغيرة خل
- 5 فصوص ثوم مدقوقين
- 1 طماطم
- 1 فلفل رومي متوسط
- ملح و فلفل أسود حسب الرغبة
- 3 ملعقة كبيرة زيت
- الصلصة
- 4 طماطم
- إتنين ملعقة صلصة كبيرة
- بصلة صغيرة
- 3 فصوص ثوم
- ملعقة صغيرة ملح
- ملعقة صغيرة فلفل إسود
- ملعقة صغيرة شطة
- ملعقة صغيرة كمون
- ملعقة صغيرة كزبرة
- ملعقتين زيت
- اتنين كوب معكرونة والنوع حسب الرغبة و يفضل القلم أو الحلزونية
طريقة التحضير
- نعصر الليمون على الكبدة و ملعقة الخل و نقلبهم مع بعض و نضع الزيت في الطاسة و نتركه يسخن جيداً عشان يعمل صدمة للكبدة و بعدبن ننزل بالكبدة و نقلبها تقلبتبن
- نضع فصوص الثوم المدقوقة و نكمل تقليب و بعدين ننزل بالفلفل الرومي المقطع شرائح
- يذبل الفلفل شوية و تبدى الكبدة تمسك نفسها ننزل بالطماطم المقطعة و نقلب حتى تذبل الطماطم و الكبدة يصبح لونها بنى ذهبي
- نضرب الطماطم في الخلاط و نزودها ماء شوية عشان تعمل معانا الصوص لاننا محتاجينه في سواء المعكرونة في الفرن
- في زيت حامي نضع البصلة المقطعة و نقلبها حتى يذبل البصل ثم نضيف الثوم حتى يذبل و تظهر رائحته
- ننزل بالطماطم المعصورة و عليها الصلصة و نقلب ثم نضع التوابل و نخليها تغلى غلوة واحدة فقط لاننا مش عايزينها تتسبك قوى و تتقل لاننا محتاجين الصوص لسواء المعكرونة
- في صينية الفرن نضع الكبدة أولا ومن ثم نضع فوقها المعكرونة غير ناضجة ونضع فوقها الصوص ساخن يغطى المعكرونة كما في الصورة
- نغطيها بالقصدير جيداً و ندخلها الفرن على درجة حرارة 180 لمدة 30-45 دقيقة و بعد مرور او 30 دقيقة نفتح الفرن و القصدير و نشوف سواء المعكرونة و اذا كنا نكمل بقية الوقت ام هذا الوقت كافى
- بعد ما تخرج من الفرن نسيبها تهدى شوية و بعدين نقلبها في طبق التقديم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد