→ كل الوصفات
لذيذة للناس اللي بتحب المكرونة ذى كدا😂😂
المقادير
- كبد وقوانص بحسب عدد الأفراد
- كيس معكرونة قلم
- حبة بصل
- ٣ فصوص ثوم
- فلفل رومي أخضر
- ملعقة صلصة
- وتوابل السبع بهارات
- وملح فلفل اسود كتير عشان بحبه😅
طريقة التحضير
- بنفرم البصل ونحطه في زيت لحد ما يأخد لون
- وبعدين الثوم لحد متطلع ريحته وبعدين اكيد الفلفل
- نشوح الكبد والقوانص بس بنحط القوانص الأول عشان بتأخذ تسوية اكتر 🙃شيف وربنا🙃
- بنحط ملعقة صلصة عشان اللون الحلو وبنوطى النار عليها لحد ما تستوي ملح وفلفل اسود وتوابل السبع بهارات
- ونكون بنسلق المكرونة ونحط ملح كدا كدا
- وبعدين بنحط الصلصة على المكرونة
- وبعدين بنحط الكبد والقوانص الأول في صينية صغيرة ذى الطاجن وبعدين المكرونة ونقلبها في طبق التقديم
- كان نفسى تتقلب حلو بس معرفتش 😭 بس المهم الطعم محدش بياخد كل حاجة يعنى😅
- بالهنا والشفا 💖💖
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد