→ كل الوصفات
طريقة عمل طاجن معكرونة باللحمة المفرومة 😋💕💕💕💕 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/4 كيلو لحمة مفرومة
- 600 جرام معكرونة قلم
- 5 طماطم
- 2 طماطم مبشورة
- 3 حبات بصل وسط مفرومين
- 2 فلفل رومي اخضر مفرومين
- 3 فصوص ثوم مفرومين
- 1/2 كوب صلصة
- 2 لتر ماء
- 1/4 معلقة صغيرة سماق
- 1/4 معلقة صغيرة قرفة بودرة
- 2 مكعب مرق لحم
- 1 معلقة صغيرة فلفل أسود
- 1 ملعقة صغيرة ملح
- 1 ملعقة كبيرة خل
- 1/4 ملعقة صغيرة سكر
طريقة التحضير
- نسخن الفرن على درجة حرارة 200
- هنعصج اللحمة.. هننزل باللحمة المفرومة و نقلب فيها لحد ما لونها يتغيير و بعدين هننزل بمكعب مرق لحم و السماق و الفلفل الاسود و القرفة و الملح و هندمجهم كويس مع بعض و بعدين هننزل بعدد واحد بصلة مفرومة و الفلفل الأخضر و لما تتعصج اللحم و يتم نضجها نضعها في الطاجن المدهون بالزيت
- فوق اللحمة المعصجة نضع المعكرونة نية * ولا يتم سلقها مسبقاً *
- لعمل الصلصة: نضع 2 ملعقة زيت كبيرة و نضع الثوم و نقلب كويس لحد ما الثوم يذبل و هننزل بعصير الطماطم (5 عدد طماطم + 2 لتر ماء هنضربهم في الخلاط) و هنسيهم يغلوا و بعدين هنحط الصلصة و عدد 1 بصلة مفرومة و السكر و الخل و الملح و الفلفل الأسود و مكعب مرق اللحم و هنسيب الصلصة تغلي لمده 10 دقائق على نار وسط و هنحطها و هي ساخنه على طول فوق المعكرونة و نتأكد ان الصلصة مغطية الطبقة الأخيرة من الطاجن
- هنخلط اخر بصلة مفرومة مع عدد 2 طماطم مبشورة و عليهم رشة ملح و فلفل أسود و هنوزعم على وجه الطاجن و هنغطي الطاجن بورق فويل و هنحطه في الفرن لمدة لا تقل على 1/2 ساعة و بعد ما المعكرونة نتأكد إنها إستوت نشيل الفويل و نسيب الطاجن في الفرن للمرة التانيه لمدة 10 دقائق عشان ياخذ لون من فوق و الصلصة الزيادة تنشف شوية و بعد ما يخلص الطاجن و نطلعه من الفرن نغطيه عشان مينشفش... و بالهنا و الشفا 😍😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد