→ كل الوصفات

طاجن معكرونة باللحمه المفرومة

طريقة عمل طاجن معكرونة باللحمه المفرومة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • علبة معكرونة قلم
  • 0.25 كيلو لحمة مفرومة
  • 3 طماطم حسب الرغبه ذي مانتي حابه
  • 2 بصل, مفرومين ناعم
  • 3 فصوص ثوم مفرومين ناعم
  • فلفل حار
  • فلفل اسود
  • كمون
  • كزبرة ناشفه
  • زيت
  1. الاول نحط البصل في شويه زيت ولما يذبل شويه نحط البهارات نقلب شويه وبعدين الفلفل الحار ونقلب شويه و نحط الثوم نقلب ونحط اللحمة المفرومه ونقلب لحد ما يتغير لونها ونحط الملح وبس
  2. نجيب الطماطم المضروبه في الخلاط ونحطها على النار تغلي غلوة واحدة ونحط شويه ملح وبهاراتك بقى ونطفي
  3. نجيب حله بايركس او طاجن بس عشان انا مش عندي فويل عملتها في حله بايركس بغطا
  4. نجيب الحله ونحط اللحمة المتعصجه الاول وبعدين نحط المعكرونه وبعدين الصلصة ويدوب نغطي المعكرونه تكون الصلصة مغطياها مش تزودي وغطي ودخلي الفرن على نار متوسطه هتفضل ساعة الا ثلث او ساعة على حسب فرنك وبالف هنا على قلوبكم 😘
  5. معلش الصورة مش اد كدا صورتها بعد ما كلنها😂😂😂
عجبتك الوصفة؟
شوف كل وصفاتنا في مكان واحد
كل الوصفات →