→ كل الوصفات

طاجن معكرونة بشاميل

جميل جداً وحلو اوي للعزومات

  • كيس معكرونة أقلام أو عاديه مسلوقه ومتصفيه
  • 0.25 كيلو لحمة مفرومه
  • بصله مبشوره متوسطه الحجم
  • ملعقتين زيت
  • بهارات
  • ملح
  • فلفل اسود
  • كوب دقيق
  • 2 كوب لبن
  • 2 كوب شوربة وممكن تذودي كمان حسب قوام البشاميل معاكي
  • 2 بيضه
  • زيت لتحمير الدقيق
  • وسمنه لتحمير الدقيق
  • ملح
  • فلفل أسود
  • كمون
  • انا بضيف على وجه الطاجن ودي حسب الرغبه:
  • جبنة موتزاريلا
  • وشيدر
  • ورومي
  1. في الأول هبدأ اعمل العصاج توضع حله على النار ثم يضاف فيها الزيت و لحد مايسخن بعدين أضيف اللحمة المفرومه والبصله والبهارات واقلبهم كويس واسيبهم يستوي
  2. هبدأ اعمل البشاميل توضع حله على النار ثم يضاف فيها السمنه والزيت لحد مايسخنو وبعدين أضيف الدقيق واحمره لحد مايوصل للون ذهبي خفيف بعدين بضيف عليه اللبن والشوربه واتركه يبرد تماما
  3. بعد مالبشاميل برد تماما أضيف عليه البيض والبهارات وافرمه في الخلاط لحد ماتلاقي قوامه جميل ومفيش أي تكتلات بعدين بأخذ شويه بشاميل واقلب المعكرونة في البشاميل
  4. كده البشاميل جهز معانا والعصاج جهز معانا نبدأ بقى نرص في الطاجن بحضر الطاجن وندهنه زيت خفيف
  5. ابدأ بقى أرص الطاجن الأول هأخذ شويه معكرونة في ارضيه الطاجن وبعدين اللحمة المفرومه في الوسط وبعدين أضيف معكرونة تاني واساويها وأنظمها وبعد كده أضيف طبقه بشاميل على وجه الطاجن وبعدين الجبنة
  6. وادخل الطاجن الفرن لحد مايستوي ويأخذ لون ذهبي جميل وبعد كده أخرجه وبألف هنا
عجبتك الوصفة؟
شوف كل وصفاتنا في مكان واحد
كل الوصفات →