→ كل الوصفات
طريقة عمل طاجن معكرونه بالسجق في الفرن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونه 400 جرام
- سجق
- بصل
- فلفل اخضر
- لتر عصير طماطم
- ملح وفلفل اسود حسب الرغبة
- جبنة موتزاريلا
طريقة التحضير
- في طاسه ننزل بمعلقه سمنه صغيرة وحبه زيت و لما يسخنو ننزل عليهم بالسجق اول ما ياخذ لون حلو من الناحيتين نشيله على جنب
- في نفس الطاسه ننزل ب بصله متقطعه صغير و اتبلها بالملح و الفلفل بيديها طعم حلو اول ما تبدأ تذبل انزل بالفلفل الأخضر ولحد ما يدبلو اقطع السجق قطع صغيرة
- بالنسبه لي بحب اقطع السجق بعد ما يتشوح عشان لو اتقطع وهو ني بحس انه بيتفرفت و بيطلع من الجلد بتاعه
- بعد ما قطعنا السجق انزل بيه على البصل و الفلفل ياخدو تقلبتين مع بعض
- بعد كده انزل عليهم بعصير الطماطم المتصفي كويس اخف عليهم و اغطي شويه صغيرين بس لحد ما عصير الطماطم يسخن كويس عشان يسوي المعكرونه
- بعد كده انزل عليهم بكيس المعكرونه وهو ني عادي مش مستوى اهم حاجه عصير الطماطم تكون مغطيه المعكرونه و لو العصير طلع قليل ممكن نزود شويه ماء ساخنه عادي
- اغطيها و اقفل النار كأننا بنسلق المعكرونه بالظبط لحد ما المعكرونه تشرب الصوص و تستوي مع نفسها
- في الخطوه اللي فاتت بعد ما المعكرونه استوت ممكن نغرف وناكل على طول بالهنا و الشفا بس انا بكمل بحطهم في طواجن وارش عليهم جبنة موتزاريلا و ادخلهم الفرن و فاتحه الشوايه يادوب بس لحد ما الجبنة تسيح
- اول ما تأخذ لون حلو كده نطلعها و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد