→ كل الوصفات

طاجن معكرونه بالسجق 😘☺😊

#التحدي_الفضي طاجن المعكرونه بالسجق و زي اللي بناكله في المطاعم واجمل بكتير 😋😋🍲🍲 هتغرق في الطعم 😋😋🍲🍲 ميكس الجبنة مع السجق البلدي والمعكرونه ملوش حل 😋😋🍲

  • كيس معكرونه اقلام
  • 1/2 كيلو سجق
  • بصله مفرومه
  • فصين ثوم مفروم
  • فلفل الوان
  • 2 قرن فلفل اخضر حار
  • ملح وفلفل اسود حسب الحاجة
  • رشه جوزة الطيب
  • 3 معالق دقيق
  • 3 كوب لبن
  • كوب جبنة شيدر+جبنة موتزيالار+ رومي
  • كوب كريمه لبانى
  1. سجق نشوحه بدون زيت ينزل الدهون اللي فيه ونشيله ونقطعه ونحط بصله مقطعة ناعم مكان تشويح السجق ثم فلفل الوان وقرنين فلفل اخضر حار ونص ملعقة صغيرة ثوم مفروم ونرجع السجق مع البصل والفلفل ونتبله برشه فلفل وكمون وكزبره ومنكترش ملح عشان السجق فيه ملح ونخليه 8 دقائق ونطفى عليه
  2. وفي حله فيها معلقتين زبده ومعلقه زيت بنحط٣ ملعقة اكل دقيق ولما تظهر ريحته بنحط 3 كوب لبن ونقلبه كويس مع رشه ملح وفلفل ونحط نص كوب جبنة شيدر طبيعى مبشوره و ربع كوب جبنة رومي مبشوره ونهدى النار لحد ما تسيح الجبنة 😘😘
  3. ويغلى الصوص نحط نص كوب كريمه لبانى لمده دقيقتين ونطفى عليهم وفي طاجن هنحط كيس معكرونه مسلوقه 8 دقائق ونقلب معاها السجق والصوص وشويه جبنة موتزاريلا و على الوجه جبنة موتزاريلا وندخل الطاجن تحت الشوايه 6ل7 دقائق مع المتاحة والف هنا على قلوبكم روعه ✋😘 جربوه وهيعجبكم بإذن الله
عجبتك الوصفة؟
شوف كل وصفاتنا في مكان واحد
كل الوصفات →