→ كل الوصفات
#احنا_المصريين حاجه كده تأخذ العقل 😂
المقادير
- 0.5 كيس معكرونه قلم
- 0.5 كيلو فراخ بانيه
- الكريمه الكدابه 😂
- شوفان ابيض
- 2 كوب حليب
- معلقه كبيره زبادي
- نصف ملعقة صغيرة ملح
- نصف ملعقة صغيرة فلفل
- نصف ملعقة صغيرة كاري
- نصف ملعقة صغيرة بابريكا
- بصل
- ثوم بودرة
- بهارات فراخ
- رشه جوزه الطيب
- رشة من السبع بهارات
- جبنه موتزاريلا
طريقة التحضير
- اول حاجه نغسل الفراخ كويس جداً ثم نضع عليها جميع البهارات وشويه زيت وتقلب جيداً وتترك في الثلاجة لمدة ربع ساعة كده
- تعالو بقى اقولكم ايه هي الكريمه الكدابه 😂😂 بتحطني معلقتين كبار مش مليانين شوفان ابيض ونجيب حله ونضع فيها معلقتين الشوفان بدون اضافه اي حاجه نسبهم يتحمصه شويه بس منخلهوش لونه يتغير ونضع عليه ٢ كوب الحليب مع الاستمرار في التقليب ما توقفيش ايدك خالص لحين لما يتقل الصوص يرفع من على النار لو حاسيتي أنه تقل قوي ضيفي عليه حليب تاني عشان ما تبقاش سميكه قوي ثم نضيف شويه ملح وفلفل وملعقه الزبادي والله تحفه جدا دي انقاذ لو ما عندكيش كريمه لباني تقدري تعملي بالطريقه دي
- نيجي بقى للفراخ نجيب طاسه ورشه زيت بسيطه ونضع عليها الفراخ كأنك حتعمليها جريل بس في طاسه تحفه جداً مع التقليب المستمر وتتحمر من الجهاتين وحتكوني طبعاً سالقه المعكرونه
- حتجيبي طاجن وتحطي في الأول شويه كريمه كدابه وعليها المعكرونه المسلوقه وعليها الفراخ اللي متقطعه شرايح
- وبعدين تحطي عليها كل الصوص الكريمه وفي الاخر خالص نضع الجبنة الموتزاريلا وتدخل الفرن تفتح الشوايه فقط عشان الجبنة تسيح والف هنا على قلبكم❤️ والله حتعجبكم قوي جربوها مش حتندمو ياحلوين
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد