→ كل الوصفات
طريقة عمل طاجن مكرونة بالتونه والجبنه الموزريلا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كيس مكرونه مسلوقه اي نوع
- 4 حبات طماطم معصوره ومتصفيه
- عصير لمونه
- كريمة طبخ لايت كميه حسب الرغبه
- 4 فصوص توم مفروم
- بصله مفرومه
- 2 معلقه زيت كبيره
- 2 علبه تونه مصفيه من الزيت او المايه
- ملح
- فلفل
- زعتر
- بابريكا
- 2 فلفل الوان شرايح
- 1 فلفل رومي اخضر شرايح
- جبنه موزاريلا كتييير بقي 😊
طريقة التحضير
- هنسلق المكرونه ونسبها على جنب
- نحط معلقتين الزيت في حله ونشوح فيهم البصل والتوم ياخدو لون حلو كده وبعدين نضيف ليهم عصير الطماطم والتوابل ملح وفلفل اسود وبابريكا وزعتر ونسبها شويه على النار تاخد كام غلوه كده
- وبعدين نضيف ليها التونه وشويه كريمه صغيرين ونقلب واخر حاجه الفلفل الالوان والرومي وعصره اللمون ونقلب كله مع بعضه
- ونضيف ليهم المكرونه ونقلب وفي الطاجن بقي نحط طبقات كده وبينهم جبنه موزاريلا كتير وعلي الوش جبه موزاريلا وندخلها الفرن شويه كله يندمج مع بعضه ونفتح الشوايه تاخد لون ونقدمها وبالف هناااا 😉😉
- جربوهاااا خطيره خطييييره 😉 واهم حاجه تتاكل سخنه )
- ومتنسوش تنزلو تطبيق سجلو فيه ونزلو مواهبكم وإبعتلونا الوصفات ونفيد بعضنا 👸🏻.......................... () ()
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد