→ كل الوصفات

طاجن مكرونة بالفراخ

وصفه سهلة التحضير

  • 0.5 كيلو مكرونة أي شكل
  • 0.5 كيلو صدور فراخ مقطع مكعبات وسط
  • بصلة وسط مفرومه لعمل الفراخ
  • 2 فص توم لعمل الفراخ
  • معلقة طعام صلصة
  • 0.25 كوب ماء
  • 3 معالق زيت
  • ملح وفلفل اسود وبهارات للفراخ
  • كيلو طماطم مضروبة في الخلاط للصوص
  • 3 بصله وسط للصوص مفرومه
  • 2 فص توم للصوص
  • 2 كوب ماء للصوص
  • 2 معلقة صلصة طماطم للصوص
  • 2 حبه فلفل سواء حار او حلو حسب الرغبة
  • ملح وفلفل اسود وكمون وكزبرة ناشفة وشطه للصوص
  • زيت للصوص
  1. في طاسه على النار نضع الزيت حتى يسخن ثم نضيف قطع الفراخ ونقلبها ونضيف التوابل ملح وفلفل اسود والبهارات ونتركها حتى تتشرب السوائل التي خرجت منها ثم نضيف التوم والبصل المفروم ونقلبهم مع الفراخ ونضيف معلقة طعام صلصة وربع كوب ماء ولما تغلي نطفي عليها ونضعها في صينية الفرن ونضع عليها المكرونة بدون سلق
  2. لعمل الصوص نحط الزيت على النار في الطاسة ونضيف التوم والبصل المفروم ناعم ونقليهم في الزيت ثم نضيف الطماطم المعصورة ونتركها تتسبك
  3. لما تتسبك الطماطم نضيف توابل الصوص ونضيف الصلصة ونقلبهم
  4. نضيف الماء ونترك الصوص حتى تمام الغليان
  5. نضيف الصوص على المكرونة بحيث تكون السوائل في نفس مستوى المكرونة وإذا كانت اقل نكون مجهزين ميه مغليه نزود بيها
  6. نكون في الوقت ده مسخنين الفرن على درجة حرارة 200 من فوق وتحت ونغطي صينية المكرونة بالقصدير وندخلها الفرن لمدة ساعة إلا ربع
  7. اختياري صوص حار بجانب الطاجن
عجبتك الوصفة؟
شوف كل وصفاتنا في مكان واحد
كل الوصفات →