→ كل الوصفات

طاجن مكرونة بالكبدة في الفرن

طريقة عمل طاجن مكرونة بالكبدة في الفرن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس مكرونة أقلام
  • 0.5 كيلو كبدة
  • قليل زيت
  • صلصة المكرونة
  • 1 بصلة مبشورة
  • 5 فصوص ثوم مفروم
  • مكعب ماجي
  • 4 أكواب عصير طماطم
  • معلقة معجون طماطم مركز
  • توابل
  • ملح
  • فلفل اسود
  • بهارات
  • كزبرة
  • بصل بودرة
  • ثوم بودرة
  • شطة حمراء
  • كزبرة
  • مكونات الكبدة
  • 1 بصلة شرائح رفيعة
  • قرن فلفل أخضر شرائح
  • قرن فلفل ملون شرائح
  • فصين ثوم مفروم
  • معلقة خل كبيرة
  • ملعقة كاتشب
  1. نسلق المكرونة نصف سلقة بس ونصفيها
  2. نعمل صلصة المكرونة: نحط البصلة المبشورة في ملعقة زيت ساخن ونقلب شوية ونحط الثوم ونقلب لحد ما يصفروا
  3. بعدين نحط عليهم عصير الطماطم ومعجون الطماطم وباقي مكونات الصلصة و التوابل ونسيبها تغلي لحد ما تتقل شوية مش كتير
  4. ناخد معلقتين من الصلصة نركنهم على جنب
  5. نحط المكرونة في الصلصة تغلي معاها شوية وقبل ما تستوي نطفى النار
  6. الكبدة: نحط البصلة في زيت ساخن ونصفرها و فوقها نحط الفلفل والثوم وقلب لحد ما يذبلوا شوية وبعدين نحط الكبدة وعليها باقي مكوناتها و التوابل ونسيبها تستوي
  7. في طاجن بايركس نحط معلقتين الصلصة اللي ركناهم على جنب وفوقهم الكبدة في ارضية الطاجن وفوقها نحط المكرونة بالصلصة ونغطى بورق فويل ونقفلها كويس جدا ونحطها في الفرن لحد ما تستوى
  8. نقلبها و تقدم مع سلطة خضرا وبالف هنا
عجبتك الوصفة؟
شوف كل وصفاتنا في مكان واحد
كل الوصفات →