→ كل الوصفات
طريقة عمل طاجن مكرونة باللحمة المفرومة احلي من المحلات وتحدي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس مكرونة قلم
- لتر طماطم معصورة
- لحمة مفرومة معصجة
- توم مفروم
- بصلة
- معلقتين خل
- زيت
- ملح فلفل اسود كمون بهارات شطة كسبرة ناشفة
- فلفل اخضر حامي حسب الرغبة
- مكعب مرقة دجاج
طريقة التحضير
- هنحضر الصلصة هنشوح البصل في الزيت وقبل مايدي اللون الدهبي هنحط فصين توم مدقوقين يتحمروا مع البصل ويبقي لونهم دهبي هننزل بالطماطم وبعدين ملح وفلفل اسود وكمون وشطة ونسيبها تغلي ١٠ دقايق يعني تبقي نص تسبيكة
- هنحضر الدقة هنجيب كوباية ماية هنحط عليها ملح وفلفل اسود وكمون وبهارات شوية صغيرين اوي من كل حاجة وخل ومعلقةصغيرة توم مفروم هتغلي ونطفي عليها
- هنجيب الطاجن نفضي فيه المكرونة من الكيس علطول نية يعني ونحط عليها اللحمة المتعصجة وبعدين هنقلب الدقة مع الصلصة ولازم تكون سخنة جدا ونحط الصلصة بالكبشة علي الطاجن فوق اللحمة ومن ع الوش هنحط رشة بهارات مع رشة كسبرة ناشفة وتدخل فرن سخن نار وسط هتاخد حوالي٢٥ دقيقة وبالهنا❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد