→ كل الوصفات
طريقة عمل طاجن مكرونة فرن باللحمة المفرومة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ¼ كيلو لحمة مفرومة
- بصلتين مفرومين
- قرن فلفل رومى
- قرن فلفل حار "اختيارى"
- بهارات.. ملح، فلفل أسود، رشة سكر، بابريكا
- زيت
- معلقة صغيرة توم مفروم
- 3 معالق خل كبيرة
- ½ لتر عصير طماطم
طريقة التحضير
- نشوح البصل بملعقتين زيت ولما لونه يبقى دهبى نضيف الفلفل الحار أو البارد والملح والفلفل الأسود ورشة بهارات ورشة سكر ونضيف اللحمة ونقلب كويس ونسيبها تتعصج
- فى حلة ع النار نضيف معلقتين زيت عليهم معلقة صغيرة توم مفروم ونقلبه لحد ما يحمر وبعدين نضيف ٣ معالق كبيرة خل ونضيف نص لتر عصير طماطم (طماطم مضروبة فى الخلاط عادى).. ونضيف الملح والبهارات والبابريكا ورشة سكر ونسيب الصلصة تغلى على النار غلوة واحدة
- نحضر طاجن أو قالب وندهنه زيت ونحط اللحمة المعصجة ونحط فوقها المكرونة النية والغير مستوية وفوقها الصلصة ولازم الصلصة تغطى المكرونة وممكن نزود المكرونة بمية مغلية
- نغلف الطاجن بورق ألومنيوم وندخله فرن على درجة حرارة ١٨٠ لمدة نص ساعة على الرف الأوسط لحد تمام السوا
- نخرج الطاجن ونقلبه فى طبق تقديم ونزينه بشوية بقدونس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد