→ كل الوصفات

طاجن مكرونة في الفرن

طريقة عمل طاجن مكرونة في الفرن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/4 كيلو لحمة مفرومة
  • بصلة
  • معلقة صلصة
  • كيس مكرونة اقلام 400 جرام
  • 1/2 كيلو طماطم
  • ملح
  • فلفل اسود
  • بهارات
  • بابريكا
  • ماء مغلي
  • معلقة سمنة
  • زيت
  • 3 فصوص ثوم
  1. نبشر البصلة ونشوحها في معلقة السمنة و شوية زيت واول ما تحمر نضيفلها كوباية مية و اللحمة المفرومة ومعلقة الصلصة و ملح وفلفل اسود وبهارات ونسيبها تستوي والمية تنشف
  2. نبشر التوم و نضرب الطماطم في الخلاط و نحط شوية زيت على النار و نحمر فيهم التوم ونضيفلهم عصير الطماطم و ملح و فلفل اسود وبابريكا ونسيبها تغلي غلوة واحدة و نطفي
  3. نجيب صينية بايركس او اي صينية فرن و نحط فيها اللحمة الفرومة ونحط فوقها كيس المكرونة ني و نصب عليها الطماطم ونزود مية مغلية لحد ما الطماطم تكون مغطية المكرونة كلها
  4. نغطي الصينية بورق فويل او غطا وندخلها فرن عالي حوالي نص ساعة لحد ما المية كلها تنشف والمكرونة تستوي ونطلعها نقلبها ونقدمها
عجبتك الوصفة؟
شوف كل وصفاتنا في مكان واحد
كل الوصفات →